ಶ್ರೀ ಅನ್ನದಾನೇಶ್ವರ ಪದವಿ ಪೂರ್ವ ಮಹಾವಿದ್ಯಾಲಯ, ನರೇಗಲ್ ಅನ್ನದಾನೇಶ್ವರ ಕಾಲೇಜಿಗೆ – ಸಮಗ್ರ ವೀರಾಗ್ರಣಿ ಪ್ರಶಸ್ತಿಗೆ ಭಾಜನ.

ಹುಲಕೋಟಿ ಸ.24

2024-25 ನೇ. ಶೈಕ್ಷಣಿಕ ವರ್ಷದ ಗದಗ ಜಿಲ್ಲಾ ಮಟ್ಟದ ಕ್ರೀಡಾಕೂಟಗಳು ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ) ಗದಗ ಮತ್ತು ಸ್ವಾಮಿ ವೀವೆಕಾನಂದ ಪದವಿ ಪೂರ್ವ ಕಾಲೇಜು, ಹುಲಕೋಟಿ ಇವರ ಸಂಯುಕ್ತ ಆಶ್ರಯದಲ್ಲಿ ದಿನಾಂಕ: 13-09-2024 ರಿಂದ 19-09-2024 ರ ವರೆಗೆ ಜರುಗಿದವು. ಈ ಕ್ರೀಡಾಕೂಟದಲ್ಲಿ ಶ್ರೀ ಅನ್ನದಾನೇಶ್ವರ ಪದವಿ ಪೂರ್ವ ಮಹಾವಿದ್ಯಾಲಯದ ಕ್ರೀಡಾಪಟುಗಳು ವಿವಿಧ ಕ್ರೀಡೆಗಳಲ್ಲಿ ಭಾಗವಹಿಸಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನವನ್ನು ಪಡೆಯುವ ಮೂಲಕ ಉತ್ತಮ ಸಾಧನೆಗೈದು ಕಾಲೇಜಿಗೆ ಸಮಗ್ರ ವೀರಾಗ್ರಣಿ ಪ್ರಶಸ್ತಿಯನ್ನು ಪಡೆದು ಕಾಲೇಜಿನ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ, ಜಿಲ್ಲಾ ಮಟ್ಟದ ಕ್ರೀಡಾಕೂಟದಲ್ಲಿ ಭಾಗವಹಿಸಿ ಸಾಧನೆಗೈದು ರಾಜ್ಯ ಮಟ್ಟಕ್ಕೆ ಆಯ್ಕೆಯಾದ ಕ್ರೀಡಾಪಟುಗಳಿಗೆ ನಮ್ಮ ಮಹಾನ ಸಂಸ್ಥೆಯ ಅಧ್ಯಕ್ಷರಾದ ಪರಮ ಪೂಜ್ಯ ಶ್ರೀ. ಮುಪ್ಪಿನ ಬಸವಲಿಂಗ ಮಹಾ ಸ್ವಾಮಿಗಳು, ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿಗಳು, ಆಡಳಿತಾಧಿಕಾರಿಗಳು, ಹಾಗೂ ಕಾಲೇಜು ಆಡಳಿತ ಮಂಡಳಿಯ ಚೇರಮನ್ನರು ಮತ್ತು ಸದಸ್ಯರುಗಳು ಹಾಗೂ ಜಿಮ್‌ಖಾನ ವಿಭಾಗದ ಚೇರಮನ್ನರು, ದೈಹಿಕ ನಿರ್ದೇಶಕರು, ಪ್ರಾಚಾರ್ಯರು ಮತ್ತು ಸಿಬ್ಬಂದಿ ವರ್ಗ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ. ಗುಂಪು ಆಟಗಳಲ್ಲಿ ಬಾಲಕ ಮತ್ತು ಬಾಲಕಿಯರು ಎರಡು ವಿಭಾಗದಲ್ಲಿ ಖೋ ಖೋ, ಬಾಲ್ ಬ್ಯಾಡ್ಮಿಂಟನ್, ಟೆನ್ನಿಕಾಯಿಟ್, ಚೆಸ್, ಟೆನ್ನಿಸ್ ವ್ಹಾಲಿಬಾಲ್, ಜಂಪ-ರೋಪ, ಕುಸ್ತಿ, ಕರಾಟೆ, ಯೋಗ ಕ್ರೀಡೆಗಳಲ್ಲಿ ಪ್ರಥಮ ಸ್ಥಾನ. ಹ್ಯಾಂಡಬಾಲ್, ಫುಟ್ಬಾಲ್, ಕಬ್ಬಡಿ, ಥ್ರೋಬಾಲ್, ಹಾಕಿ, ಟೇಬಲ್ ಟೆನ್ನಿಸ್ ಕ್ರೀಡೆಯಲ್ಲಿ ದ್ವಿತೀಯ ಸ್ಥಾನ ಪಡೆದು ಕಾಲೇಜಿನ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ. ಬಾಲಕರ ವ್ಯಯಕ್ತಿಕ ಆಟಗಳು:-ನೀಲಪ್ಪ ಜೊಲಗುಡ್ಡ 5 ಕಿ.ಮಿ ನಡಿಗೆ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ, ಪ್ರಜ್ವಲ್‌ಕುಮಾರ ಪೂಜಾರ ಗುಂಡು ಎಸೆತದಲ್ಲಿ ಪ್ರಥಮ, ದಾಸಪ್ಪ ಮೂಲಿಮನಿ 400 ಮೀ ಹರ್ಡಲ್ಸನಲ್ಲಿ ದ್ವಿತೀಯ, ಹರೀಶ.ಬಿ.ಎಚ್ ಮತ್ತು ತಂಡ 4*100 ಮೀ ಮತ್ತು 4*400 ಮೀ ರಿಲೇಯಲ್ಲಿ ದ್ವಿತೀಯ ಸ್ಥಾನ, ಬಿ.ಸಾಗರ ಎತ್ತರ ಜಿಗಿತದಲ್ಲಿ ತೃತೀಯ ಸ್ಥಾನ ಪಡೆದಿದ್ದಾರೆ.ಬಾಲಕೀಯರ ವ್ಯಯಕ್ತಿಕ ಆಟಗಳು:-ಕಾವ್ಯ ಅಬ್ಬಿಗೇರಿ 200 ಮೀ, 400 ಮೀ ಓಟದಲ್ಲಿ ಪ್ರಥಮ, ಹಾಗೂ ಉದ್ದಜಿಗಿತದಲ್ಲಿ ದ್ವಿತೀಯ ಸ್ಥಾನ, ಬಸಮ್ಮ ಕುರಿ 1500 ಮೀ, 3000 ಮೀ ಓಟದಲ್ಲ್ಲಿ ಪ್ರಥಮ, ಆಯಿಷಾ ಹ್ಯಾಮರ್ ಥ್ರೋದಲ್ಲಿ ಪ್ರಥಮ ಹಾಗೂ ಗುಂಡು ಎಸೆತದಲ್ಲಿ ದ್ವಿತೀಯ, ಈರಮ್ಮ ಬದಿಮನಾಳ 400 ಮೀ ಹರ್ಡಲ್ಸ ಹಾಗೂ ತ್ರೀವಿಧ ಜಿಗಿತದಲ್ಲಿ ಪ್ರಥಮ, ಕ್ರಾಸ್ ಕಂಟ್ರಿಯಲ್ಲಿ ಕಾವೇರಿ ಜಟ್ಟಿ ಪ್ರಥಮ ಹಾಗೂ ಪವಿತ್ರಾ ತಳ್ಳಿಕೇರಿ ದ್ವಿತೀಯ, ಶಕುಂತಲಾ ಕಾಡಪ್ಪನವರ ಭಲ್ಲೆ ಎಸೆತದಲ್ಲಿ ದ್ವಿತೀಯ, 4*100 ಮೀ ಮತ್ತು 4*400 ಮೀ ರಿಲೇಯಲ್ಲಿ ಕಾವ್ಯಾ ಅಬ್ಬಿಗೇರಿ ತಂಡ ದ್ವಿತೀಯ ಸ್ಥಾನ, ವಿಜಯಲಕ್ಷ್ಮಿ ಹಳ್ಳಿ 100 ಮೀ ಓಟದಲ್ಲಿ ತೃತೀಯ ಸ್ಥಾನವನ್ನು ಪಡೆದು ಆಯ್ಕೆಯಾಗಿದ್ದಾರೆ ಈ ಮೂಲಕ ಒಟ್ಟು 120 ಕ್ರೀಡಾಪಟುಗಳು ರಾಜ್ಯ ಮಟ್ಟದ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದ್ದಾರೆ ಎಂದು ಕಾಲೇಜಿನ ಪ್ರಾಚಾರ್ಯರು ಶ್ರೀ. ವಾಯ್.ಸಿ. ಪಾಟೀಲ ಅವರು ತಿಳಿಸಿದ್ದಾರೆ.

ಜಿಲ್ಲಾ ವರದಿಗಾರರು, ಸಿಹಿ ಕಹಿ ಕನ್ನಡ ದಿನ ಪತ್ರಿಕೆ ಹಾಗೂ ಎಸ್.ಕೆ ನ್ಯೂಸ್ ಕನ್ನಡ ಚಾನಲ್:ಶಿವಾನಂದ. ಎಫ್.ತೋಟಗುಂಟಿ.ಗದಗ