ವಾತ್ಸಲ್ಯದ ರಕ್ಷಾ ಬಂಧನ…

ನೂಲ ಹುಣ್ಣಿಮೆಯ ಪವಿತ್ರ ವಿಶೇಷ ದಿನ

ಸಹೋದರರು ನೆನಪಿಗೆ ಬರುತಾರ ಈ ಸುದಿನ

ಸಹೋದರಿಯರ ಖುಷಿಗೆ ಮಿತಿಯೇ ಇಲ್ಲ ಈ

ದಿನ

ಮನದ ಭಾವನೆಗೆ ಜೀವ ತುಂಬುವ ರಕ್ಷಾ

ಬಂಧನ..

ಕಟ್ಟುವ ರಾಖಿ ಚಿನ್ನದ್ದಾದರೇನು

ಬೆಳ್ಳಿಯದ್ದಾದರೇನು

ಪ್ರೀತಿ ವಾತ್ಸಲ್ಯ ತುಂಬಿರುವ ನೂಲುದಾರ

ಹೆಚ್ಚಲ್ಲವೇನು

ತವರಿಗೆ ಓಡಿ ಬರುವ ಸಹೋದರಿಯ ಕಂಡೆನು

ಅವಳ ಕರುಣೆ ಮಮತೆ ಕಾಳಜಿಗೆ

ಮೌನಿಯಾದೆನು..

ರಾಖಿಯ ಕಟ್ಟುವ ಆ ಸುಮದುರ ಘಳಿಗೆಯಲಿ

ತಾಯಿಯ ಕಂಡೆನೂ ಸಹೋದರಿಯ

ಮುಖದಲಿ

ಸಂಬಂಧದ ಜವಾಬ್ದಾರಿ ಹೆಚ್ಚಿಸಿದಳು ನನ್ನಲಿ

ಕಾಲಮುಗಿದು ಋಣಮುಟ್ಟಿಸುವೆನೆಂದು

ಬೇಡಿದೆನು ಅವಳಲಿ..

ಸಹೋದರನ ಎರಡನೆಯ ತಾಯಿ ಸಹೋದರಿ

ಸಹೋದರಿಗೆ ದೇವರ ಸಮಾನ ಸಹೋದರ

ಭೂಲೋಕದ ಪವಿತ್ರ ಸಂಬಂಧ

ಸಹೋದರಿ-ಸಹೋದರ

ಸೂರ್ಯ ಚಂದ್ರರಂತೆ ಈ ಸಂಬಂಧಗಳು

ಅಜರಾಮರ..

ಹಣೆಗೆ ಕುಂಕುಮವಿಟ್ಟು ನನಗೆ ಕಾವಲಿರು

ಎಂದಳು

ರಾಖಿಯ ಕಟ್ಟಿ ನೀ ನನಗೆ ಶ್ರೀರಕ್ಷೆ ಎಂದಳು

ತಬ್ಬಿಕೊಂಡು ನನ್ನನ್ನು ತಬ್ಬಲಿ ಮಾಡಬೇಡ

ಎಂದಳು

ಸಿಹಿಯ ತಿನಿಸಿ ನಿನ್ನ ಬಾಳು ಸಿಹಿಯಾಗಿರಲಿ

ಎಂದಳು

ಶ್ರೀ ಮುತ್ತು.ಯ.ವಡ್ಡರ

(ಶಿಕ್ಷಕರು)

ಬಾಗಲಕೋಟ

MOB-9845568484