“ಮಧ್ಯಾನದ ಹೊತ್ತು ಮೊಸರನ್ನು ತಿನ್ನುವುದರಿಂದ ಆಗುವ ಉಪಯೋಗಗಳು”…..

ಡಾ. ನವೀನ್.ಬಿ.ಸಜ್ಜನ್. ಪ್ರೊಫೆಸರ್ & ಶಸ್ತ್ರ ಚಿಕಿತ್ಸಾ ತಜ್ಞರು ಚಿತ್ರದುರ್ಗ.

ಎಷ್ಟೋ ಜನರಿಗೆ ಊಟದ ಕೊನೆಯಲ್ಲಿ ಮೊಸರು ತಿನ್ನದಿದ್ದರೆ ಊಟ ಪೂರ್ಣವಾಗುವುದಿಲ್ಲ. ಮೊಸರಿನಲ್ಲಿ ಪ್ರೊಟೀನ್ ಅಧಿಕವಾಗಿದೆ. ಇದರಲ್ಲಿ ಪೋಷಕಾಂಶಗಳೂ ಇವೆ. ಇವುಗಳನ್ನು ಊಟದಲ್ಲಿ ಸೇವಿಸುವುದರಿಂದ ಹಲವಾರು ಪ್ರಯೋಜನಗಳಿವೆ. ನೀವು ಮೊಸರು ತಿನ್ನಲು ಇಷ್ಟ ಪಡುತ್ತಿದ್ದರೆ ಮಧ್ಯಾಹ್ನದ ಊಟಕ್ಕೆ ಮೊಸರು ಸೇವಿಸುವುದರಿಂದ ಹಲವಾರು ಪ್ರಯೋಜನಗಳಿವೆ.ಸಾಮಾನ್ಯವಾಗಿ, ಹೆಚ್ಚಿನ ಜನರು ಮಧ್ಯಾಹ್ನದ ಸಮಯದಲ್ಲಿ ಹೆಚ್ಚು ಊಟ ಮಾಡುತ್ತಾರೆ. ಕರಿಗಳನ್ನು ಹೆಚ್ಚಾಗಿ ಉಪಯೋಗಿಸುತ್ತಾರೆ. ಇದರಿಂದ ಹೊಟ್ಟೆ ಭಾರವಾಗುತ್ತದೆ. ಕೆಲವೊಮ್ಮೆ ಜೀರ್ಣವಾಗಲು ಸಮಯ ತೆಗೆದು ಕೊಳ್ಳುತ್ತದೆ. ಆದರೆ, ಮೊಸರು ಸೇವಿಸಿದರೆ ಅದರಲ್ಲಿರುವ ಪ್ರೋಬಯಾಟಿಕ್ಸ್ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಸೇವಿಸುವುದರಿಂದ ಆಗುವ ಪ್ರಯೋಜನಗಳು ಮೊಸರು ತಿನ್ನುವುದರಿಂದ ನಮ್ಮ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ. ಇದು ಒತ್ತಡದ ಹಾರ್ಮೋನ್ ಕಾರ್ಟಿಸೋಲ್ ಅನ್ನು ಕಡಿಮೆ ಮಾಡುತ್ತದೆ. ಇದರಿಂದ ತೂಕ ಮತ್ತು ಬೊಜ್ಜು ಕಡಿಮೆಯಾಗುತ್ತದೆ. ಇದರ ವಿಶಿಷ್ಟ ಗುಣಗಳು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿ ರೋಗಾಣುಗಳಿಂದ ನಮ್ಮನ್ನು ರಕ್ಷಿಸುತ್ತದೆ. ಯೋನಿ ಸೋಂಕನ್ನು ತೆಗೆದು ಹಾಕುತ್ತದೆ. ಮೊಸರು ತಿನ್ನುವುದು ಒಳ್ಳೆಯದು ಆದರೂ ಕೆಲವರಿಗೆ ಅಲರ್ಜಿಯಾಗುವ ಸಾಧ್ಯತೆಯಿರುತ್ತದೆ. ಸೀನು, ಕಫದಂತಹ ಸಮಸ್ಯೆಗಳು ಬರುತ್ತವೆ. ಇಂತಹ ಸಮಸ್ಯೆ ಇರುವವರು ಈ ಮೊಸರನ್ನು ಸೇವಿಸಬಾರದು. ಎಚ್ಚರ ರಾತ್ರಿಯೂ ಮೊಸರು ತಿನ್ನದಿರುವುದು ಒಳ್ಳೆಯದು. ಅದೇ ರೀತಿ ಮೊಸರು ತಿಂದರೆ ಕೆಲವರಿಗೆ ಅಸಿಡಿಟಿ, ಎದೆಯುರಿ ಬರುತ್ತದೆ. ಹಾಗಾಗಿ ಹೆಚ್ಚು ತೆಗೆದುಕೊಳ್ಳುವ ಬದಲು ಕಡಿಮೆ ತಿನ್ನಿ. ಅದೇ ರೀತಿ ಅನೇಕರು ಮೊಸರನ್ನು ಹಣ್ಣುಗಳೊಂದಿಗೆ ತೆಗೆದು ಕೊಳ್ಳುತ್ತಾರೆ. ಸಿಟ್ರಸ್ ಹಣ್ಣುಗಳೊಂದಿಗೆ ಇದನ್ನು ಸೇವಿಸುವುದರಿಂದ ಆಮ್ಲೀಯತೆ ಹೆಚ್ಚಾಗುತ್ತದೆ. ತರಕಾರಿಗಳೊಂದಿಗೆ ಮೊಸರು ತಿನ್ನಬೇಡಿ. ಇದರಿಂದಾಗಿ ಪೋಷಕಾಂಶಗಳು ದೇಹದಿಂದ ಹೀರಲ್ಪಡುವುದಿಲ್ಲ.