🔔🚨 ಬಿಗ್ ಬ್ರೇಕಿಂಗ್! | ಉಡುಪಿ-ಬ್ರಹ್ಮಾವರದಲ್ಲಿ ‘ರಸ್ತೆ ದಾದಾಗಿರಿ’ ಮತ್ತು ಮಾಧ್ಯಮ ಬೆದರಿಕೆ 🚨🔔ಹಾರ್ಡ್ವೇರ್ ಅಂಗಡಿ ಮಾಲೀಕನಿಂದ ಫುಟ್‌ಪಾತ್ ಒತ್ತುವರಿ, ಸಾರ್ವಜನಿಕರ ಮೇಲೆ ದೌರ್ಜನ್ಯ, – ವರದಿ ಮಾಡಿದ ಪತ್ರಕರ್ತಗೆ ‘ದಮ್ಕಿ’ ಆರೋಪ..!
ಬ್ರಹ್ಮಾವರ/ಉಡುಪಿ ಅ.14
ಉಡುಪಿ ಜಿಲ್ಲೆಯ ಬ್ರಹ್ಮಾವರ ತಾಲ್ಲೂಕಿನ ಚಾಂತರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹಳೆ ಮೀನು ಮಾರುಕಟ್ಟೆ ರಸ್ತೆಯಲ್ಲಿರುವ ‘ಲೂಯಿಸ್ ಎಲೆಕ್ಟ್ರಿಕಲ್ಸ್ ಅಂಡ್ ಪವರ್ ಟೂಲ್ಸ್ ಹಾರ್ಡ್ವೇರ್’ ಅಂಗಡಿ (ಮಾಲೀಕ: ರೋಕಿ ಲೂವಿಸ್) ಮಾಲೀಕನ ದರ್ಬಾರ್ ಇದೀಗ ರಾಜ್ಯ ಮಟ್ಟದಲ್ಲಿ ಸುದ್ದಿಯಾಗಿದೆ. ಫುಟ್‌ಪಾತ್ ಒತ್ತುವರಿ ಮಾಡಿ ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದಲ್ಲದೆ, ಈ ಬಗ್ಗೆ ವರದಿ ಮಾಡಿದ ಪತ್ರಿಕೆ ಪ್ರತಿನಿಧಿಗೇ ಮಾಲೀಕನು ಬೆದರಿಕೆ ಒಡ್ಡಿದ್ದಾನೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದೆ.
💥 ಸಾರ್ವಜನಿಕ ದೌರ್ಜನ್ಯ ಮತ್ತು ಫುಟ್‌ಪಾತ್ ಒತ್ತುವರಿಸಾರ್ವಜನಿಕ ಸಂಚಾರಕ್ಕೆ ಭಾರಿ ತೊಂದರೆಯಾಗಿರುವ ಕುರಿತು ಸ್ಥಳೀಯರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಫುಟ್‌ಪಾತ್ ಒತ್ತುವರಿ:-
ರೋಕಿ ಲೂವಿಸ್ ಅವರು ಅಂಗಡಿಯ ಎಲ್ಲಾ ಮೆಟೀರಿಯಲ್ಸ್‌ಗಳನ್ನು ಫುಟ್‌ಪಾತ್‌ಗಳ ಮೇಲೆ ಮತ್ತು ರಸ್ತೆಯ ಪಕ್ಕಕ್ಕೆ ಇಟ್ಟು ವ್ಯಾಪಾರ ಮಾಡುತ್ತಿದ್ದಾರೆ. ಇದರಿಂದಾಗಿ ಪಾದಚಾರಿಗಳು ಫುಟ್‌ಪಾತ್‌ನ ಬದಲಿಗೆ ಅಪಾಯಕಾರಿಯಾಗಿ ರಸ್ತೆಯ ಮೇಲೆ ನಡೆದುಕೊಂಡು ಹೋಗುವುದು ಅನಿವಾರ್ಯವಾಗಿದೆ.
ಕಿರಿಕಿರಿ ಮತ್ತು ದಬ್ಬಾಳಿಕೆ:-
ವಾಹನಗಳನ್ನು ಪಾರ್ಕ್ ಮಾಡಲು ಪ್ರಯತ್ನಿಸುವ ಸಾರ್ವಜನಿಕರಿಗೆ ಅಂಗಡಿ ಮಾಲೀಕನು ಭಾರಿ ತೊಂದರೆ ಮತ್ತು ಕಿರಿಕಿರಿ ನೀಡುತ್ತಿದ್ದಾನೆ. ಕೇವಲ ಒತ್ತುವರಿ ಮಾತ್ರವಲ್ಲದೆ, ಸಾರ್ವಜನಿಕರ ಮೇಲೆ ದಬ್ಬಾಳಿಕೆ ಮತ್ತು ದೌರ್ಜನ್ಯ ಎಸಗುತ್ತಿದ್ದಾನೆ ಎಂದು ಬಲವಾದ ದೂರುಗಳು ಕೇಳಿ ಬಂದಿವೆ.
📢 ಪತ್ರಿಕಾ ಪ್ರತಿನಿಧಿಗೆ ‘ದಮ್ಕಿ’ ಮತ್ತು ಅವಾಚ್ಯ ಪದಗಳ ಬಳಕೆ
ಈ ಘಟನೆಗಳ ಕುರಿತು ರಾಮನಗರ ನ್ಯೂಸ್ ದಿನಪತ್ರಿಕೆ ಉಪ ಸಂಪಾದಕರಾದ ಆರತಿ ಗಿಳಿಯಾರ್ ಇವರು ವರದಿ ಪ್ರಕಟಿಸಿದ ನಂತರ ಅಂಗಡಿ ಮಾಲೀಕ ರೋಕಿ ಲೂವಿಸ್ ಅವರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಮಾಧ್ಯಮ ದಬ್ಬಾಳಿಕೆ:-
ಅಂಗಡಿ ಮಾಲೀಕರು ಪತ್ರಿಕೆ ಪ್ರತಿನಿಧಿಗೆ ಕರೆ ಮಾಡಿ ದಮ್ಕಿ ಹಾಕಿ, ಅವಾಚ್ಯ ಶಬ್ದಗಳಿಂದ ಪದ ಬಳಕೆಗಳನ್ನು ಮಾಡಿ ಬೆದರಿಕೆ ಒಡ್ಡುವ ಕೆಲಸ ಮಾಡಿದ್ದಾರೆ ಎನ್ನಲಾಗಿದೆ.
ಸಾರ್ವಜನಿಕರ ಪ್ರಶ್ನೆ:
ಕಾನೂನಾತ್ಮಕವಾಗಿ ಇದು ಸರಿಯೇ? ಪುಟ್‌ಪಾತ್‌ಗಳನ್ನು ಒತ್ತುವರಿ ಮಾಡಿ ಹಾರ್ಡ್ವೇರ್ ಮೆಟೀರಿಯಲ್ಸ್ ಇಟ್ಟು ಮಾರಾಟ ಮಾಡುತ್ತಿರುವುದು ಗಮನಕ್ಕೆ ಬಂದ ವಿಚಾರವಾದರೂ, ಅದನ್ನು ಅಧಿಕಾರಿಗಳ ಗಮನಕ್ಕೆ ತಂದ ಪತ್ರಿಕೆ ಬೆದರಿಕೆಗೆ ಒಳಗಾಗಿರುವುದು ಎಷ್ಟು ಸರಿ ಎಂದು ಪ್ರಜ್ಞಾವಂತ ಸಾರ್ವಜನಿಕರು ಪ್ರಶ್ನಿಸಿದ್ದಾರೆ.
💰 ಸರ್ಕಾರಿ ಬೊಕ್ಕಸಕ್ಕೆ ನಷ್ಟದ ಆರೋಪ ಮತ್ತು ಆಗ್ರಹ
ಲೈಸೆನ್ಸ್ ಪರಿಶೀಲನೆ:-
ಫುಟ್‌ಪಾತ್ ಒತ್ತುವರಿ ಜೊತೆಗೆ, ಈ ಭಾಗದಲ್ಲಿರುವ ಹಲವು ಅಂಗಡಿಗಳಿಗೆ ಸರಿಯಾದ ಲೈಸೆನ್ಸ್‌ಗಳು ಇಲ್ಲದೆ ವ್ಯಾಪಾರ ಮಾಡುತ್ತಿರುವ ವಿಷಯವೂ ಬೆಳಕಿಗೆ ಬಂದಿದೆ.
ಸರ್ಕಾರಕ್ಕೆ ಆಗ್ರಹ:-
ಲೈಸೆನ್ಸ್ ಇಲ್ಲದೆ ವ್ಯಾಪಾರ ನಡೆಸಿ ಸರ್ಕಾರಕ್ಕೆ ಬರಬೇಕಾದ ತೆರಿಗೆ ಮತ್ತು ಶುಲ್ಕದ ರೂಪದ ಹಣ (ಬೊಕ್ಕಸದ ಹಣ) ನಷ್ಟವಾಗುತ್ತಿದ್ದು, ಸಂಬಂಧಪಟ್ಟ ಪಂಚಾಯಿತಿ ಮತ್ತು ಕಂದಾಯ ಅಧಿಕಾರಿಗಳು ಕೂಡಲೇ ಲೈಸೆನ್ಸ್ ಪರಿಶೀಲಿಸಿ, ನಿಯಮ ಉಲ್ಲಂಘಿಸಿದವರ ಮೇಲೆ ಕ್ರಮ ಕೈಗೊಳ್ಳುವಂತೆ ತುರ್ತು ಆಗ್ರಹ ಕೇಳಿಬಂದಿದೆ.
ಬ್ರಹ್ಮಾವರ ಮತ್ತು ಉಡುಪಿ ಜಿಲ್ಲಾಡಳಿತವು ತಕ್ಷಣವೇ ಅಂಗಡಿ ಮಾಲೀಕ ರೋಕಿ ಲೂವೀಸ್ ಅವರ ದುರ್ನಡತೆ ಮತ್ತು ಮಾಧ್ಯಮದ ಮೇಲಿನ ದೌರ್ಜನ್ಯಕ್ಕೆ ಕಡಿವಾಣ ಹಾಕಿ, ಫುಟ್‌ ಪಾತ್‌ಗಳನ್ನು ಮುಕ್ತ ಗೊಳಿಸಿ ಸಾರ್ವಜನಿಕರಿಗೆ ರಕ್ಷಣೆ ನೀಡಬೇಕು ಎಂದು ಬ್ರಹ್ಮಾವರದ ಜನತೆ ಎದುರು ನೋಡುತ್ತಿದ್ದಾರೆ.
ವರದಿ:ಆರತಿ.ಗಿಳಿಯಾರು.ಉಡುಪಿ
