ಉಚಿತ ಆಂಬುಲೆನ್ಸ್‌ನ ಸಂಕಷ್ಟಕ್ಕೆ ಸ್ಪಂದಿಸಿದ ಉಡುಪಿ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ – ಮಾನವೀಯತೆಗೆ ಆರ್ಥಿಕ ಬೆಂಬಲ.
ಉಡುಪಿ ಆ.29
ಸಂಕಷ್ಟದಲ್ಲಿರುವ ರೋಗಿಗಳಿಗೆ ಉಚಿತ ಸೇವೆ ನೀಡುವ ಆಂಬುಲೆನ್ಸ್ ವಾಹನದ ವಾರ್ಷಿಕ ವಿಮಾ ಕಂತು ಪಾವತಿಸಲು ಹಣಕಾಸಿನ ಸಮಸ್ಯೆ ಎದುರಾಗಿತ್ತು. ಇಂತಹ ವಿಷಮ ಪರಿಸ್ಥಿತಿಯಲ್ಲಿ, ಉಡುಪಿ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ ಈ ಮಾನವೀಯ ಕಾರ್ಯಕ್ಕೆ ತನ್ನ ನೆರವಿನ ಹಸ್ತ ಚಾಚುವ ಮೂಲಕ ಸಾವಿರಾರು ಜೀವಗಳಿಗೆ ಜೀವ ತುಂಬಿದಂತಹ ಕೆಲಸ ಮಾಡಿದೆ. ಈ ಕ್ರಮವು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಹಲವು ವರ್ಷಗಳಿಂದ ಸಮರ್ಪಣಾ ಮನೋಭಾವ ದಿಂದ ಕಾರ್ಯನಿರ್ವಹಿಸುತ್ತಿರುವ ಈ ಉಚಿತ ಆಂಬುಲೆನ್ಸ್ ಸೇವಾ ತಂಡವು ವಾಹನದ ನಿರ್ವಹಣೆ ಮತ್ತು ವಿಮಾ ಕಂತು ಪಾವತಿಸಲು ಹಣಕಾಸಿನ ಸಮಸ್ಯೆ ಎದುರಿಸುತ್ತಿತ್ತು. ಈ ಪರಿಸ್ಥಿತಿಯನ್ನು ಅರಿತ ಉಡುಪಿ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ ಕೂಡಲೇ ಈ ಮಾನವೀಯ ಕಾರ್ಯಕ್ಕೆ ನೆರವು ನೀಡಲು ನಿರ್ಧರಿಸಿತು. ತಕ್ಷಣವೇ ವಿಮಾ ಕಂತಿನ ಮೊತ್ತವನ್ನು ಪಾವತಿಸಿ ಆಂಬುಲೆನ್ಸ್ ಸೇವೆ ಯಾವುದೇ ಅಡೆ ತಡೆಯಿಲ್ಲದೆ ಮುಂದುವರಿಯುವಂತೆ ಖಾತ್ರಿ ಪಡಿಸಿದೆ.
ಸಹಕಾರ ಸಂಘದಿಂದ ಪ್ರಶಂಸನೀಯ ನಡೆಸಾಮಾನ್ಯವಾಗಿ ಬ್ಯಾಂಕ್‌ಗಳನ್ನು ಕೇವಲ ಹಣಕಾಸು ವಹಿವಾಟುಗಳಿಗೆ ಸೀಮಿತ ಎಂದು ಭಾವಿಸಲಾಗುತ್ತದೆ. ಆದರೆ, ಈ ಸಹಕಾರ ಸಂಘ ತಾನು ಕೇವಲ ವ್ಯವಹಾರ ಸಂಸ್ಥೆಯಲ್ಲ, ಬದಲಾಗಿ ಸಾಮಾಜಿಕ ಜವಾಬ್ದಾರಿಯನ್ನು ಅರಿತು ಸಮುದಾಯದ ಭಾಗ ಎಂಬುದನ್ನು ತೋರಿಸಿ ಕೊಟ್ಟಿದೆ. ಈ ಸಹಕಾರ ಸಂಘದ ನಿರ್ಧಾರವು ಕೇವಲ ಹಣಕಾಸಿನ ನೆರವಿಗೆ ಸೀಮಿತವಾಗಿಲ್ಲ. ಇದು ಜೀವಗಳನ್ನು ಉಳಿಸುವಂತಹ ಕಾರ್ಯಕ್ಕೆ ನೀಡಿದ ಬೆಂಬಲವಾಗಿದೆ. ಆಂಬುಲೆನ್ಸ್ ವಾಹನದ ವಾರ್ಷಿಕ ವಿಮಾ ಕಂತು ಪಾವತಿಯು ಅದರ ಕಾನೂನಾತ್ಮಕ ಕಾರ್ಯಾಚರಣೆಗೆ ಅತಿ ಮುಖ್ಯವಾಗಿದೆ. ಸರಿಯಾದ ಸಮಯದಲ್ಲಿ ವಿಮಾ ಪಾಲಿಸಿ ಇಲ್ಲದಿದ್ದರೆ, ತುರ್ತು ಸೇವೆ ಸ್ಥಗಿತ ಗೊಳ್ಳುವ ಸಾಧ್ಯತೆ ಇರುತ್ತಿತ್ತು.
ಆದರೆ, ಉಡುಪಿ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ ಸಮಯೋಚಿತವಾಗಿ ಕೈ ಹಾಕಿದ ಕಾರಣದಿಂದ ಸಾವಿರಾರು ಜನರಿಗೆ ಸಹಾಯ ಮಾಡುವ ಈ ಸೇವೆಯು ಯಾವುದೇ ಅಡೆ ತಡೆಯಿಲ್ಲದೆ ಮುಂದುವರಿಯುತ್ತದೆ.ಈ ಸಹಕಾರದಿಂದ, ತುರ್ತು ಸಂದರ್ಭಗಳಲ್ಲಿ ಸಹಾಯಕ್ಕಾಗಿ ಕಾಯುತ್ತಿರುವ ಜನರು ಆಂಬುಲೆನ್ಸ್ ಸೇವೆಯನ್ನು ಅವಲಂಬಿಸಬಹುದು. ಈ ಸಹಕಾರ ಸಂಘದ ಕಾರ್ಯವು ಇತರ ಸಂಸ್ಥೆಗಳಿಗೂ ಪ್ರೇರಣೆಯಾಗಿದ್ದು, ಸಮಾಜಕ್ಕೆ ಸಹಾಯ ಮಾಡುವ ಕೆಲಸಕ್ಕೆ ಎಲ್ಲರೂ ಕೈ ಜೋಡಿಸಬೇಕು ಎಂಬುದನ್ನು ತೋರಿಸಿ ಕೊಟ್ಟಿದೆ.
ಇದು ಮಾನವೀಯತೆ ಮತ್ತು ಹಣಕಾಸಿನ ಸಂಸ್ಥೆಗಳು ಒಂದಾದಾಗ ಸಮಾಜದಲ್ಲಿ ಎಷ್ಟು ದೊಡ್ಡ ಬದಲಾವಣೆ ತರಬಹುದು ಎಂಬುದಕ್ಕೆ ಒಂದು ಉತ್ತಮ ಉದಾಹರಣೆ ಯಾಗಿದೆ ಎಂದು ಸಿಹಿ ಕಹಿ ಕನ್ನಡ ದಿನ ಪತ್ರಿಕೆ ಹಾಗೂ ಎಸ್.ಕೆ ನ್ಯೂಸ್ ಕನ್ನಡ ಚಾನಲ್ ಕೂಡ ನಿರ್ಮಲ ಹೃದಯದ ಸಹಕಾರಕ್ಕೆ ಪ್ರಶಂಸನೀಯ ವ್ಯಕ್ತಪಡಿಸಿದೆ.
ವರದಿ:ಆರತಿ ಗಿಳಿಯಾರು ಉಡುಪಿ
