ಗಾಂಧೀಜಿ ದೇಶಭಕ್ತಿ vs ವಿರೋಧಿಗಳ ನೈತಿಕತೆ, ಈ ದೇಶದ ಸಂಸ್ಕೃತಿ ಮತ್ತು ದೇಶಪ್ರೇಮಿ ಯಾರು? – ಕಿರಣ್‌ ಹೆಗ್ಡೆ ಆಗ್ರಹ.

ಉಡುಪಿ ಅ.06

ದೇಶದ ಮಹಾತ್ಮರಾದ ಗಾಂಧೀಜಿಯವರ ದೇಶಭಕ್ತಿ ಕುರಿತು ಇಂದು ನಡೆಯುತ್ತಿರುವ ಚರ್ಚೆಗಳ ಹಿಂದಿನ ನೈತಿಕತೆಯನ್ನು ಪ್ರಶ್ನಿಸಿರುವ ಉಡುಪಿ ಜಿಲ್ಲಾ ಇಂಟೆಕ್ (INTUC) ಜಿಲ್ಲಾಧ್ಯಕ್ಷ ಕಿರಣ್ ಹೆಗ್ಡೆ ಅವರು, ಗಾಂಧೀಜಿಯನ್ನು ವಿರೋಧಿಸುವವರ ದೇಶಭಕ್ತಿ ಮತ್ತು ಧಾರ್ಮಿಕ ನಿಲುವುಗಳ ಕುರಿತು ರಾಜ್ಯಮಟ್ಟದಲ್ಲಿ ಚರ್ಚೆಯಾಗಬೇಕು ಎಂದು ಆಗ್ರಹಿಸಿದ್ದಾರೆ. ಗಾಂಧೀಜಿ ದೇಶಪ್ರೇಮಿಗಳೇ ಅಥವಾ ಅವರನ್ನು ದ್ವೇಷಿಸುವವರೇ ದೇಶಪ್ರೇಮಿಗಳೇ ಎಂಬ ಸ್ಪಷ್ಟೀಕರಣ ಅಗತ್ಯವಿದೆ ಎಂಬುದು ಹೆಗ್ಡೆ ಅವರ ಪ್ರಮುಖ ನಿಲುವಾಗಿದೆ.ಬುದ್ಧನ ತತ್ವ ಪಾಲಿಸಿದ ಗಾಂಧಿ: ವಿರೋಧಿಗಳ ಮೂಲದ ಕುರಿತು ಪ್ರಶ್ನೆಗಾಂಧೀಜಿಯವರನ್ನು ಟೀಕಿಸುವ ವರ್ಗದ ಮೂಲ ಮತ್ತು ನೈತಿಕ ನಿಲುವುಗಳ ಕುರಿತು ಕಿರಣ್ ಹೆಗ್ಡೆ ಅವರು ತೀಕ್ಷ್ಣ ವಿಶ್ಲೇಷಣೆ ನಡೆಸಿದ್ದಾರೆ.”

ಈ ದೇಶದ ಮೂಲಪುರುಷರಾದ ಬುದ್ಧರ ಅಹಿಂಸಾತತ್ವವನ್ನು ಪಾಲನೆ ಮಾಡಿದವರು ಗಾಂಧೀಜಿ. ಆದರೆ ಗಾಂಧೀಜಿಯನ್ನು ವಿರೋಧಿಸುವ ವರ್ಗವು ಬುದ್ಧನನ್ನು ವಿರೋಧಿಸುವ ವರ್ಗವೇ ಆಗಿದೆ” ಎಂದು ಹೆಗ್ಡೆ ಪ್ರತಿಪಾದಿಸಿದ್ದಾರೆ.

ಅವರು ತಮ್ಮ ವಿಶ್ಲೇಷಣೆಯನ್ನು ಮತ್ತಷ್ಟು ವಿಸ್ತರಿಸಿ, ಈ ವರ್ಗದ ವಿರೋಧವು ಕೇವಲ ಗಾಂಧಿಗೆ ಮಾತ್ರ ಸೀಮಿತವಾಗಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. “ಈ ದೇಶದ ದೈವ ತತ್ವದಿಂದಲೇ ಬದುಕು ಕಟ್ಟಿಕೊಂಡವರು ಆದರೆ ಶೈವ ತತ್ವದ ಜಿನನನ್ನು ಮುಗಿಸಿದವರೇ ಅವರು. ಬದುಕು ಕಟ್ಟಿಕೊಂಡವರ ಮೂಲವನ್ನೇ ಮುಗಿಸಿದವರು, ಈಗ ವಿಶ್ವ ಮಾನವರಾಗಬೇಕಿದ್ದ ಗಾಂಧೀಜಿಯವರನ್ನು ಪ್ರಶ್ನಿಸುವುದು ಎಲ್ಲಿಯ ನ್ಯಾಯ?” ಎಂದು ಅವರು ತೀವ್ರವಾಗಿ ಪ್ರಶ್ನಿಸಿದ್ದಾರೆ.

ವಿಶ್ವ ಮಾನವನಾಗುವ ಯೋಗ್ಯತೆ ಹೊಂದಿದ್ದ ಗಾಂಧೀಜಿ

ಗಾಂಧೀಜಿಯವರ ತ್ಯಾಗದ ಬಗ್ಗೆ ಪ್ರಸ್ತಾಪಿಸಿದ ಕಿರಣ್ ಹೆಗ್ಡೆ, ಅವರಿಗೆ ವಿಶ್ವ ನಾಯಕರಾಗುವ ಅವಕಾಶವಿದ್ದರೂ ಅವರು ಭಾರತಕ್ಕಾಗಿಯೇ ತಮ್ಮ ಜೀವನವನ್ನು ಮುಡಿಪಾಗಿಟ್ಟರು ಎಂದು ಸ್ಮರಿಸಿದ್ದಾರೆ.

“ವಿಶ್ವ ಮಾನವರಾಗುವ ಯೋಗ್ಯತೆ ಹೊಂದಿದ ಗಾಂಧೀಜಿ, ಭಾರತಕ್ಕೆ ಬಂದು ಭಾರತಾಂಬೆಯ ಸೇವೆ ಮಾಡಿ ತನ್ನ ಜೀವನವನ್ನು ಈ ದೇಶಕ್ಕಾಗಿ ಮುಡುಪಾಗಿಟ್ಟು, ಕೊನೆಗೆ ಭಾರತದ ಪಿತಾಮಹ ಎನಿಸಿಕೊಂಡು ಒಂದು ದೇಶದ ಪಿತಾಮಹ ಮಾತ್ರ ಆದರು. ಹಾಗಾದರೆ, ಇಂತಹ ತ್ಯಾಗಮಯಿ ದೇಶಪ್ರೇಮಿಯೇ, ಅಥವಾ ಅವರನ್ನು ದ್ವೇಷಿಸುವವರು ದೇಶಪ್ರೇಮಿಗಳೇ?” ಎಂಬ ತೀಕ್ಷ್ಣ ಪ್ರಶ್ನೆಯನ್ನು ಹೆಗ್ಡೆ ಅವರು ರಾಷ್ಟ್ರದ ಮುಂದಿಟ್ಟಿದ್ದಾರೆ. ಈ ದ್ವಂದ್ವದ ಕುರಿತು ರಾಜ್ಯಮಟ್ಟದ ಚರ್ಚೆಯಾಗಬೇಕು ಎಂದು ಅವರು ಆಗ್ರಹಿಸಿದ್ದಾರೆ.

ಸಂಸ್ಕೃತಿಯ ರಕ್ಷಕರು ಯಾರು? ನೈತಿಕತೆಯ ಬಗ್ಗೆ ಚರ್ಚೆ ಅಗತ್ಯಇಂದು ದೇಶದ ಸಂಸ್ಕೃತಿಯನ್ನು ಕಾಪಾಡುವವರು ನಾವೇ ಎಂದು ಹೇಳಿಕೊಳ್ಳುವ ವರ್ಗದ ನೈತಿಕತೆ ಕುರಿತು ಹೆಗ್ಡೆ ಅವರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.”

ಈ ದೇಶವನ್ನಾಳುವ, ಇಲ್ಲಿನ ಸಂಸ್ಕೃತಿಯನ್ನು ಕಾಪಾಡುವವರು ನಾವೇ ಎಂದು ಹೇಳಿಕೊಳ್ಳುವವರ ಚರಿತ್ರೆಯೇ ಈಗಿನ ಯೂಟ್ಯೂಬ್‌ನ ಅಂಕಣಗಳಲ್ಲಿ ಲಭ್ಯವಿದೆ. ಇವರ ಈ ನೈತಿಕತೆಯ ಬಗ್ಗೆ ಚರ್ಚೆಯಾಗಬೇಕಾಗಿದೆ” ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಅವರು ಈ ವಿಚಾರವಾಗಿ ಮೂರು ಮೂಲಭೂತ ಪ್ರಶ್ನೆಗಳನ್ನು ಎತ್ತಿದ್ದಾರೆ.

ಈ ದೇಶದ ಸಂಸ್ಕೃತಿಯನ್ನು ಕಾಪಾಡುವವರು ಯಾರು? ದೇಶ ಪ್ರೇಮಿಗಳು ಯಾರು? ಮತ್ತು ದುಡ್ಡಿನ ಪ್ರೇಮಿಗಳು ಯಾರು? ಮೊದಲು ಶುರುವಾದ ವ್ಯವಸ್ಥೆ ಯಾವುದು? ಮತ್ತು ಲಂಚದ ಪದ್ಧತಿ ಮೊದಲು ಶುರುವಾಗಿದ್ದು ಎಲ್ಲಿ?ಈ ಪ್ರಶ್ನೆಗಳ ಕುರಿತು ಪ್ರಾಮಾಣಿಕ, ಆಳವಾದ ಚರ್ಚೆ ನಡೆಯದ ಹೊರತು, ರಾಷ್ಟ್ರದ ಇತಿಹಾಸ ಮತ್ತು ನೈತಿಕ ಮೌಲ್ಯಗಳ ಕುರಿತ ಗೊಂದಲಗಳು ಮುಂದುವರಿಯುತ್ತವೆ.

ಆದುದರಿಂದ, ಚರಿತ್ರೆ ಮತ್ತು ಸಮಕಾಲೀನ ರಾಜಕಾರಣದ ನೈತಿಕ ಆಯಾಮಗಳ ಕುರಿತು ಆರೋಗ್ಯಕರ ಚರ್ಚೆಗೆ ವೇದಿಕೆ ಕಲ್ಪಿಸುವಂತೆ ಕಿರಣ್ ಹೆಗ್ಡೆ ಅವರು ಆಗ್ರಹಿಸಿದ್ದಾರೆ.

ವರದಿ:ಆರತಿ.ಗಿಳಿಯಾರು.ಉಡುಪಿ