ಭವರೋಗ ನಿವಾರಣೋಪಾಯವೇ ಸತ್ಸಂಗ – ಶ್ರೀಮತಿ ಎಂ.ಗೀತಾ ನಾಗರಾಜ್ ಅಭಿಮತ.

ಚಳ್ಳಕೆರೆ ನ.20

ಶ್ರೀಶಂಕರಾಚಾರ್ಯರು ಮತ್ತು ಶ್ರೀಧರ ಸ್ವಾಮಿಗಳು ತಿಳಿಸಿದಂತೆ ಭವರೋಗದ ಸುಲಭ ನಿವಾರಣೋಪಾಯವೇ ಸತ್ಸಂಗ ಎಂದು ತ್ಯಾಗರಾಜ ನಗರದ ಶ್ರೀಶಾರದಾದೇವಿ ಸತ್ಸಂಗ ಕೇಂದ್ರದ ಸದ್ಭಕ್ತರಾದ ಶ್ರೀಮತಿ ಎಂ ಗೀತಾ ನಾಗರಾಜ್ ಅಭಿಪ್ರಾಯ ಪಟ್ಟರು.

ತ್ಯಾಗರಾಜ ನಗರದ ಸದ್ಭಕ್ತರಾದ ಶ್ರೀಮತಿ ನಂಜಮ್ಮ ಕೆಂಚಪ್ಪ ಶಿಕ್ಷಕರ ಸವಿತಾ ನಿವಾಸದಲ್ಲಿ ಆಯೋಜಿಸಿದ್ದ ವಾರದ ವಿಶೇಷ ಸತ್ಸಂಗ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು “ವಿಭೂತಿ”ಯ ಭಜನೆಯನ್ನು ಹೇಳಿದ ಅವರು “ಸತ್ಸಂಗ ಎಂದರೇನು?” ಎಂಬ ವಿಷಯವಾಗಿ ವಿಶೇಷ ಉಪನ್ಯಾಸ ನೀಡುತ್ತ ಮಾತನಾಡಿದರು.

ಸತ್ಸಂಗ-ಸಾಧುಸಂಗದಿಂದ ಭಗವಂತನಲ್ಲಿ ಅನುರಾಗ ಮತ್ತು ಅವನ ದರ್ಶನಕ್ಕಾಗಿ ವ್ಯಾಕುಲತೆ ಉಂಟಾಗುತ್ತದೆ.

ಮಾನವ ಜನ್ಮದ ಸಾರ್ಥಕತೆಗೆ ಸತ್ಸಂಗ ಅನಿವಾರ್ಯವಾಗಿದ್ದು ನಿರಂತರ ಇದರಲ್ಲಿ ಪಾಲ್ಗೊಳ್ಳುವುದರಿಂದ ನಮಗೆ ಶಾಂತಿ, ನೆಮ್ಮದಿ,ಸಮಾಧಾನ,ಸಹನಾಶೀಲತೆಗಳು ಬೆಳೆಯುತ್ತವೆ ಎಂದರು.

ಈ ಸತ್ಸಂಗದ ಪ್ರಯುಕ್ತ ಸದ್ಭಕ್ತರಿಂದ ಸಾಮೂಹಿಕ ಶ್ರೀರಾಮರಕ್ಷಾ ಸ್ತೋತ್ರ ಪಠಣ, ಶ್ರೀರಾಮಕೃಷ್ಣರ ನಾಮಸ್ಮರಣೆ, ವಿಶೇಷ ಭಜನೆ, ಯತೀಶ್ ಎಂ ಸಿದ್ದಾಪುರ ಅವರಿಂದ “ಶ್ರೀಶಾರದಾದೇವಿ ಜೀವನಗಂಗಾ” ಗ್ರಂಥ ಪಾರಾಯಣ ಕಾರ್ಯಕ್ರಮ ನಡೆಯಿತು.

ವಿಶೇಷ ಸತ್ಸಂಗದಲ್ಲಿ ಸತ್ಸಂಗ ಕೇಂದ್ರದ ಮುಖ್ಯಸ್ಥರಾದ ಶ್ರೀಮತಿ ಎಚ್ ಲಕ್ಷ್ಮೀದೇವಮ್ಮ, ಗೀತಾ ಸುಂದರೇಶ್ ದೀಕ್ಷಿತ್ , ಗೀತಾ ವೆಂಕಟೇಶರೆಡ್ಡಿ,ಎಂ ಲಕ್ಷ್ಮೀದೇವಮ್ಮ , ತಿಪ್ಪಮ್ಮ ಉಮಾಶಂಕರ್, ಪಂಕಜ ಚೆನ್ನಪ್ಪ,ಸರಸ್ವತಿ ರಾಜು,ಸರಸ್ವತಿ ಭಾಗವಹಿಸಿದ್ದರು.

ವರದಿ-ಯತೀಶ್ ಎಂ ಸಿದ್ದಾಪುರ, ಚಳ್ಳಕೆರೆ.