ಸರಕಾರದ ದರ 8,010 ರೂಪಾಯಿ ನಿಗದಿಪಡಿಸಿ ಹತ್ತಿ ಖರೀದಿ – ಎ.ಪಿ.ಎಂ.ಸಿ ಅಧ್ಯಕ್ಷ ಬಸವರಾಜ್ ಬಾಗೇವಾಡಿ ಯವರಿಂದ ಸ್ವಾಗತ.
ಆಲಮೇಲ ನ 21
ಪಟ್ಟಣದ ಕಲಬುರ್ಗಿ ರಸ್ತೆಯಲ್ಲಿ ಬಾಬು ಬಿಜ್ಜರಗಿ ಹತ್ತಿ ಕಾರ್ಖಾನೆ ಆವರಣದಲ್ಲಿ ನಡೆದ ಸರ್ಕಾರದ ದರ ನಿಗದಿ ಪಡಿಸಿದ ಖರೀದಿ ಆಲಮೇಲ ಎ.ಪಿ.ಎಂ.ಸಿ ವತಿಯಿಂದ ಆರಂಭ ರೈತರ ಹತ್ತಿಯನ್ನು ಇಂದು ಎ.ಪಿ.ಎಂ.ಸಿ ಅಧ್ಯಕ್ಷರಾದ ಬಸವರಾಜ್ ಬಾಗೇವಾಡಿ ಹಾಗೂ ಎ.ಪಿ.ಎಂ.ಸಿಯ ಸರ್ವ ಸದಸ್ಯರ ಮತ್ತು ರೈತರ ಸಮ್ಮುಖದಲ್ಲಿ ಪೂಜೆ ಮಾಡುವುದರೊಂದಿಗೆ ಪ್ರಾರಂಭಿಸಿದರು.
ಆಲಮೇಲ್ ಪಟ್ಟಣದ ಹಳ್ಳಿಗಳಿಂದ ಸುಮಾರು ನೂರಕ್ಕಿಂತ ಹೆಚ್ಚು ರೈತರು ತಮ್ಮ ಹತ್ತಿಯನ್ನು ಗಾಡಿಯಲ್ಲಿ ತುಂಬಿ ಕೊಂಡು ಬಂದಿದ್ದರು.
ಅಧಿಕಾರಿಗಳನ್ನು ಹಾಗೂ ಎಪಿಎಂಸಿಯ ಅಧ್ಯಕ್ಷರನ್ನು ಮತ್ತು ಎಪಿಎಂಸಿಯ ಸದಸ್ಯರನ್ನು ಹಾಗೂ ಗ್ಯಾರಂಟಿ ಅನುಷ್ಠಾನದ ತಾಲೂಕು ಅಧ್ಯಕ್ಷ ಅಶೋಕ್ ಗೌಡ ಕೊಳಾರಿ ಮತ್ತು ರೈತ ಮುಖಂಡರಿಗೆ ಬಾಬು ಬಿಜ್ಜರಗಿ ಸನ್ಮಾನಿಸುವುದರೊಂದಿಗೆ ಸರಕಾರದ ದರ ನಿಗದಿ ಪಡಿಸಿದ್ದ ಸಂತೋಷ ಹಂಚಿ ಕೊಂಡರು.
ಇದೇ ಸಂದರ್ಭದಲ್ಲಿ ಚಂದ್ರಕಾಂತ್ ಸಿ.ಸಿ.ಐ ಆಫೀಸರ್ ಮತ್ತು ಆಲಮೇಲ ಕೃಷಿ ಇಲಾಖೆಯ ಅಧಿಕಾರಿ ಅನಿಲ್ ದಶವಂತ್ ಮಾತನಾಡಿ ಈ ಭಾಗದ ರೈತರು ಬೆಳೆದಿರುವ ಹತ್ತಿ ಸರ್ಕಾರದಿಂದ 8,010 ನಿಗದಿತ ದರವಾಗಿದ್ದು ರೈತರು ತಾವು ಬೆಳೆದಿರುವ ಹತ್ತಿಯನ್ನು ಅಲಮೇಲ ಎಪಿಎಂಸಿಯಲ್ಲಿ ಹೆಸರು ನೋಂದಾಯಿಸಿ ಮಾರಾಟ ಮಾಡುವುದರಿಂದ ರೈತರಿಗೆ ಅನುಕೂಲವಾಗುವದೆಂದು ತಿಳಿಸಿದರು.
ಎಪಿಎಂಸಿ ಅಧ್ಯಕ್ಷ ಬಸವರಾಜ್ ಬಾಗೇವಾಡಿ ಮಾತನಾಡಿ ಮಾತನಾಡಿ ನಮ್ಮ ಜನಪ್ರಿಯ ಶಾಸಕರಾದ ಅಶೋಕ್ ಮನಗೂಳಿ ಅವರು ಅನೇಕ ಅಭಿವೃದ್ಧಿ ಕೆಲಸಗಳನ್ನು ಮಾಡಿರುವರು. ಈ ಭಾಗದ ರೈತರಿಗೆ ಅನುಕೂಲ ವಾಗಲೆಂದು ಸರ್ಕಾರದ ನಿಗದಿತ 8010 ರೂಪಾಯಿ ಬೆಲೆಗೆ ಹತ್ತಿ ಖರೀದಿ ಮಾಡುವಂತೆ ಸರ್ಕಾರದ ಆದೇಶದ ಮೇರೆಗೆ ನಮ್ಮ ಎಪಿಎಂಸಿ ಮತ್ತು ಕೃಷಿ ಆಡಳಿತ ಅಧಿಕಾರಿಗಳಿಗೆ ತಿಳಿಸಿರುವರು ಎಂದು ಹೇಳಿದರು.
ಇದೇ ಸಂದರ್ಭದಲ್ಲಿ ರೈತ ಮುಖಂಡರಾದ ಗೊಲ್ಲಾಳ ಉಪ್ಪಿನ ಮಾತನಾಡಿ ಪಾರದರ್ಶಕವಾಗಿ ರೈತರ ಹತ್ತಿಯನ್ನು ಖರೀದಿಸ ಬೇಕು ರೈತರಿಗೆ ಅನ್ಯಾಯವಾಗದಂತೆ ಸರ್ಕಾರದ ನಿಗದಿ ಪಡಿಸಿದ ದರ ರೈತರಿಗೆ ನೀಡಿ ಖರೀದಿದಾರರು ರೈತರಿಗೆ ವಂಚನೆ ಆಗದಂತೆ ಅಧಿಕಾರಿಗಳು ಗಮನ ಹರಿಸ ಬೇಕೆಂದು ಹೇಳಿದರು.
ಇದೇ ಸಂದರ್ಭದಲ್ಲಿ ಬಸವರಾಜ ತೆಲ್ಲೂರ್ ಮುನ್ನ ತಾಂಬೋಳಿ ಬಾಬು ಕೊತ್ತಂಬರಿ ಪ್ರಶಾಂತ್ ನಾಸಿ ಮಹೇಶ್ ತೆಲ್ಲೂರು ಮಾಂತು ಅಗಸರ ನಾಗು ಆಲೂರ್ ಬಂಡಯ್ಯ ಸ್ಥಾವರಮಠ ಪ್ರಮೋದ್ ಮಾಜನ್ ಮಲ್ಲು ಅಚ್ಲೇರಿ ಶಶಿ ಗಣಿಯಾರ್ ಸಂಜು ಬಗೊಂಡಿ ಬಾಗಣ್ಣ ಬಂಕುರ್ ಸಿದ್ದು ಕೊಟ್ಟಲಗಿ ಸಂತೋಷ್ ಮೇಲಿನಮನಿ ಮತ್ತು ಅಲಮೇಲ ಪಟ್ಟಣದ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ರೈತರು ಸರ್ಕಾರದ ದರ ನಿಗದಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ತಾಲೂಕ ವರದಿಗಾರರು ಸಿಹಿ ಕಹಿ ಕನ್ನಡ ದಿನ ಪತ್ರಿಕೆ ಹಾಗೂ ಎಸ್.ಕೆ ನ್ಯೂಸ್ ಕನ್ನಡ ಚಾನಲ್: ರೇವಣಸಿದ್ದಯ್ಯ ಜಿ ಹಿರೇಮಠ ಆಲಮೇಲ
