ರೋಗಿಗಳಿಗೆ ಸಿಹಿ ಹಂಚಿ ಜನ್ಮ ದಿನಾಚರಣೆ ಆಚರಿಸಿದ – ಹಾಲುಮಠದ ಸ್ವಾಮೀಜಿ.

ತರೀಕೆರೆ ನ.22

ಸಮಸ್ತ ನಾಗರಿಕ ಜನತೆಗೆ ಆಯುರ ಆರೋಗ್ಯ ಮತ್ತು ಸುಖ ಶಾಂತಿ, ಆ ಪರಮಾತ್ಮ ಕರುಣಿಸಲಿ ಎಂದು ಶುಭ ಹಾರೈಸಿದ ಹಾಲು ಮಠದ ಶ್ರೀ ಗುರುಮೂರ್ತಿ ಶಿವಾಚಾರ್ಯ ಸ್ವಾಮಿಗಳು ಎಲ್ಲಾ ರೋಗಿಗಳು ಶೀಘ್ರವಾಗಿ ಗುಣಮುಖರಾಗ ಬೇಕು ಎಂದು ಹಾರೈಸಿದರು. ಅವರು ಇಂದು ಪಟ್ಟಣದ ಸರ್ಕಾರಿ ಆಸ್ಪತ್ರೆಯಲ್ಲಿ ತಮ್ಮ ಜನ್ಮದಿನದ ಪ್ರಯುಕ್ತ ರೋಗಿಗಳಿಗೆ ಬ್ರೆಡ್ಡು, ಬಿಸ್ಕೆಟ್, ಹಣ್ಣು, ಸಿಹಿ ಮತ್ತು ನೀರು ವಿತರಿಸಿದರು.

ಈ ಸಂದರ್ಭದಲ್ಲಿ ಡಾಕ್ಟರ್ ದೇವರಾಜ್ ಮಾತನಾಡಿ ನಾನು ಪರ ಊರಿಗೆ ವರ್ಗಾವಣೆಯಾಗಿದ್ದರೂ ಸ್ವಾಮೀಜಿಯವರು ಫೋನ್ ಮಾಡಿ ಕರೆಸಿಕೊಂಡು ಜನ್ಮದಿನದ ಪ್ರಯುಕ್ತ ರೋಗಿಗಳಿಗೆ ಹಣ್ಣು ಹಂಪಲು ವಿತರಿಸಲು ಸರ್ಕಾರಿ ಆಸ್ಪತ್ರೆ ಆಯ್ಕೆ ಮಾಡಿಕೊಂಡಿರುವುದಕ್ಕೆ ಧನ್ಯವಾದ ತಿಳಿಸಿದರು. ವೈದ್ಯಾಧಿಕಾರಿಯಾದ ಡಾ,ಚನ್ನಬಸಪ್ಪ ಮಾತನಾಡಿ ಸ್ವಾಮೀಜಿಗಳು ಪ್ರತಿವರ್ಷ ಆಸ್ಪತ್ರೆಗೆ ಬಂದು ತಮ್ಮ ಜನ್ಮದಿನದ ಪ್ರಯುಕ್ತ ಎಲ್ಲಾ ರೋಗಿಗಳಿಗೆ ಬೇಗ ಗುಣಮುಖರಾಗಲಿ ಎಂದು ಆಶೀರ್ವಾದ ಮಾಡಿ ಅವರಿಗೆ ಹಣ್ಣು ಹಂಪಲು ಸಿಹಿಯನ್ನು ವಿತರಿಸುತ್ತಿದ್ದಾರೆ ಆದ್ದರಿಂದ ಅವರಿಗೆ ನಾನು ನಮಸ್ಕಾರಗಳನ್ನು ತಿಳಿಸುತ್ತೇನೆ ಎಂದು ಹೇಳಿದರು. ಇದೇ ಸಂದರ್ಭದಲ್ಲಿ ಪ್ರಸೂತಿ ತಜ್ಞರಾದ ಡಾ, ಸಿಂಧುರವರು ಹಾಗೂ ರೋಗಿಗಳು ಆಸ್ಪತ್ರೆ ಸಿಬ್ಬಂದಿಗಳು ಉಪಸ್ಥಿತರಿದ್ದರು.

ಜಿಲ್ಲಾ ವರದಿಗಾರರು ಸಿಹಿ ಕಹಿ ಕನ್ನಡ ದಿನ ಪತ್ರಿಕೆ ಹಾಗೂ ಎಸ್.ಕೆ ನ್ಯೂಸ್ ಕನ್ನಡ ಚಾನಲ್:ಎನ್. ವೆಂಕಟೇಶ್ ತರೀಕೆರೆ ಚಿಕ್ಕಮಗಳೂರು