🚨 ಬ್ರೇಕಿಂಗ್ ನ್ಯೂಸ್ 🚨 ಪಂಚಾಯತ್ ಮಹಾಪರಾಧ, ಕೋಟೇಶ್ವರ SLRM ಘಟಕ ಅಗ್ನಿಗಾಹುತಿ – ಲಕ್ಷಾಂತರ ಮೌಲ್ಯದ ಆಸ್ತಿ ನಷ್ಟ, ತಪ್ಪಿದ ಭೀಕರ ದುರಂತ..!
ಉಡುಪಿ ಡಿ.21
ಕುಂದಾಪುರ ತಾಲ್ಲೂಕು ಕೋಟೇಶ್ವರ ಪಂಚಾಯತ್ ಆಡಳಿತದ ಸರಣಿ ನಿರ್ಲಕ್ಷ್ಯಕ್ಕೆ ಭಾನುವಾರ ಮುಂಜಾನೆ ಭಾರಿ ಬೆಲೆ ತೆತ್ತಂತಾಗಿದೆ. ಇಲ್ಲಿನ ವಾಣಿಜ್ಯ ಸಂಕೀರ್ಣದ ಮೇಲ್ಭಾಗದಲ್ಲಿರುವ SLRM (ಘನತ್ಯಾಜ್ಯ ನಿರ್ವಹಣೆ) ಘಟಕದಲ್ಲಿ ಭೀಕರ ಅಗ್ನಿ ಅವಘಡ ಸಂಭವಿಸಿದ್ದು, ಪಂಚಾಯತ್ನ ಬೇಜವಾಬ್ದಾರಿತನಕ್ಕೆ ಸಾರ್ವಜನಿಕ ಆಸ್ತಿ ಸುಟ್ಟು ಭಸ್ಮವಾಗಿದೆ.
🛑 ಘಟನೆಯ ಕರಾಳ ಮುಖ:-
ಏನಾಯಿತು..? ಭಾನುವಾರ ಮುಂಜಾನೆ ಕೋಟೇಶ್ವರದ ಪಂಚಾಯತ್ ವಾಣಿಜ್ಯ ಸಂಕೀರ್ಣದ ಮೇಲ್ಭಾಗದ ತ್ಯಾಜ್ಯ ಘಟಕದಲ್ಲಿ ಆಕಸ್ಮಿಕವಾಗಿ ಕಾಣಿಸಿ ಕೊಂಡ ಕಿಡಿ, ಕ್ಷಣಾರ್ಧದಲ್ಲಿ ಜ್ವಾಲೆಯಾಗಿ ಮಾರ್ಪಟ್ಟಿದೆ.
ಆಸ್ತಿ ಪಾಸ್ತಿ ಹಾನಿ:-
ಘಟಕದಲ್ಲಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ಪ್ಲಾಸ್ಟಿಕ್ ಸಂಸ್ಕರಣಾ ಯಂತ್ರಗಳು, ಬೆಲೆ ಬಾಳುವ ಉಪಕರಣಗಳು ಹಾಗೂ ಸಂಗ್ರಹಿಸಿಟ್ಟಿದ್ದ ಟನ್ ಗಟ್ಟಲೆ ಒಣ ತ್ಯಾಜ್ಯ ಬೆಂಕಿಗೆ ಆಹುತಿಯಾಗಿದೆ.
ಅಗ್ನಿಶಾಮಕ ದಳದ ಸಾಹಸ:-
ಮಾಹಿತಿ ಸಿಗುತ್ತಿದ್ದಂತೆಯೇ ಕುಂದಾಪುರ ಮತ್ತು ಬೈಂದೂರು ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ, ಹರಸಾಹಸ ಪಟ್ಟು ಬೆಂಕಿ ನಂದಿಸಿದ್ದಾರೆ. ಒಂದು ವೇಳೆ ಬೆಂಕಿ ಕೆಳಮಹಡಿಯ ವಾಣಿಜ್ಯ ಮಳಿಗೆಗಳಿಗೆ ವ್ಯಾಪಿಸಿದ್ದರೆ ಕೋಟೇಶ್ವರ ಇಂದು ಸ್ಮಶಾನ ಸದೃಶವಾಗುತ್ತಿತ್ತು.
⚖️ ಕಾನೂನಾತ್ಮಕ ವರದಿ ಮತ್ತು ಪ್ರಶ್ನೆಗಳು:-
ಇದು ಕೇವಲ ಅವಘಡವೋ ಅಥವಾ ವ್ಯವಸ್ಥಿತ ನಿರ್ಲಕ್ಷ್ಯವೋ?ಈ ದುರಂತವು ಕಾನೂನುಬದ್ಧವಾಗಿ ಹಲವು ಗಂಭೀರ ಪ್ರಶ್ನೆಗಳನ್ನು ಮತ್ತು ಆಡಳಿತದ ವೈಫಲ್ಯವನ್ನು ಎತ್ತಿ ತೋರಿಸುತ್ತಿದೆ.
ಸುರಕ್ಷತಾ ನಿಯಮಗಳ ಉಲ್ಲಂಘನೆ (Violation of Safety Norms):-
ವಾಣಿಜ್ಯ ಚಟುವಟಿಕೆಗಳು ನಡೆಯುವ ಕಟ್ಟಡದ ಮೇಲ್ಭಾಗದಲ್ಲಿ ಅತ್ಯಂತ ಸುಲಭವಾಗಿ ಬೆಂಕಿ ಹೊತ್ತಿ ಕೊಳ್ಳುವ (Highly Inflammable) ಪ್ಲಾಸ್ಟಿಕ್ ತ್ಯಾಜ್ಯವನ್ನು ರಾಶಿ ಹಾಕಿರುವುದು ಅಗ್ನಿಶಾಮಕ ನಿಯಮಗಳ ಸ್ಪಷ್ಟ ಉಲ್ಲಂಘನೆಯಾಗಿದೆ.
ನಿರ್ಲಕ್ಷ್ಯದ ಅಪರಾಧ (Criminal Negligence):-
ಸಾರ್ವಜನಿಕ ಆಸ್ತಿಗೆ ರಕ್ಷಣೆ ನೀಡಬೇಕಾದ ಪಂಚಾಯತ್ ಆಡಳಿತವು, ಘಟಕದಲ್ಲಿ ಕನಿಷ್ಠ ಅಗ್ನಿಶಾಮಕ ಸುರಕ್ಷತಾ ವ್ಯವಸ್ಥೆ (Fire Audit) ಮಾಡದಿರುವುದು ಕಾನೂನು ಪ್ರಕಾರ ಶಿಕ್ಷಾರ್ಹ ಅಪರಾಧವಾಗಿದೆ.
ಸಾರ್ವಜನಿಕರಿಗೆ ಜೀವ ಭಯ:-
ಕೆಳಭಾಗದಲ್ಲಿ ವ್ಯಾಪಾರ ಮಳಿಗೆಗಳಿದ್ದು, ನೂರಾರು ಜನ ಓಡಾಡುವ ಜಾಗದಲ್ಲಿ ಇಂತಹ ಅಪಾಯಕಾರಿ ಘಟಕವನ್ನು ನಡೆಸುವುದು ಜನರ ಜೀವದ ಜೊತೆ ಚೆಲ್ಲಾಟವಾಡಿದಂತೆ.
ಕಟ್ಟಡದ ಸ್ಥಿರತೆ (Structural Stability):-
ಭೀಕರ ಬೆಂಕಿಯಿಂದಾಗಿ ಇಡೀ ವಾಣಿಜ್ಯ ಸಂಕೀರ್ಣದ ಮಹಡಿ ಮತ್ತು ಗೋಡೆಗಳ ಬಲ ಕುಸಿದಿರುವ ಸಾಧ್ಯತೆಯಿದೆ. ಇದು ಮುಂದಿನ ದಿನಗಳಲ್ಲಿ ದೊಡ್ಡ ಕುಸಿತಕ್ಕೆ ದಾರಿ ಮಾಡಿಕೊಡುವ ಆತಂಕವಿದೆ.
📢 ಸಾರ್ವಜನಿಕರ ಆಗ್ರಹ ಮತ್ತು ತನಿಖೆ:-
ಘಟನಾ ಸ್ಥಳಕ್ಕೆ ಪೊಲೀಸರು ಮತ್ತು ಅಧಿಕಾರಿಗಳು ಭೇಟಿ ನೀಡಿದ್ದು, ಈ ಬಗ್ಗೆ ಸಮಗ್ರ ತನಿಖೆಯಾಗಬೇಕಿದೆ. ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ಅಥವಾ ಯಾರಾದರೂ ಕಿಡಿಗೇಡಿಗಳ ಕೃತ್ಯವೇ? ಎನ್ನುವುದರ ಬಗ್ಗೆ ಪೋಲಿಸ್ ತನಿಖೆ ನಡೆಯಬೇಕಿದೆ.
ಪಂಚಾಯತ್ ಅಭಿವೃದ್ಧಿ ಅಧಿಕಾರಿ (PDO) ಮತ್ತು ಆಡಳಿತ ಮಂಡಳಿಯು ಈ ನಷ್ಟಕ್ಕೆ ನೇರ ಹೊಣೆ ಹೊರಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
ವರದಿ:ಆರತಿ.ಗಿಳಿಯಾರು.ಉಡುಪಿ
