ರಾಜ್ಯಾದಾದ್ಯಂತ ಕಾರ್ಮಿಕ ಹೋರಾಟಕ್ಕೆ ಕಿರಣ್ ಹೆಗ್ಡೆ ಕರೆ – ಹೊಸ ಸಂಘಟನೆ ಸ್ಥಾಪನೆ ಮತ್ತು ಸರ್ಕಾರದ ನೀತಿಗಳ ವಿಮರ್ಶೆ.

ಕಾರ್ಕಳ ಸ.09

ಕಾರ್ಕಳದಲ್ಲಿ ನಡೆದ ಕಾರ್ಮಿಕರ ಹೋರಾಟ ಸಭೆಯಲ್ಲಿ, ಕಾರ್ಮಿಕರ ಹಕ್ಕುಗಳು, ಸರ್ಕಾರದ ನೀತಿಗಳು ಮತ್ತು ಹೊಸ ಸಂಘಟನೆಯ ಸ್ಥಾಪನೆ ಕುರಿತು ಕಿರಣ್ ಹೆಗ್ಡೆ ಅವರು ಮಹತ್ವದ ಭಾಷಣ ಮಾಡಿದರು. ಅವರು ಕಾರ್ಮಿಕರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಎತ್ತಿ ಹಿಡಿಯುತ್ತಾ, ‘ಶಿವತತ್ವ’ ಆಧಾರಿತ ಹೊಸ ಸಂಘಟನೆಯ ಮೂಲಕ ಹೋರಾಟ ನಡೆಸುವುದಾಗಿ ಘೋಷಿಸಿದರು.

ಮುಖ್ಯ ಅಂಶಗಳು ಮತ್ತು ವಿಶ್ಲೇಷಣೆ ಹೊಸ ಸಂಘಟನೆಯ ರಚನೆ:-

ಕಿರಣ್ ಹೆಗ್ಡೆ ಅವರು ‘ಶಿವರಾಯ ಅಸಂಘಟಿತ ಕಾರ್ಯಕರ್ತ ಸಂಘಟನೆ’ ಎಂಬ ಹೊಸ ಸಂಘಟನೆಯನ್ನು ನೋಂದಾಯಿಸುವುದಾಗಿ ತಿಳಿಸಿದರು. ಈ ಸಂಘಟನೆಯು ಶಿವನ ಮೂಲ ತತ್ವ ಶಾಸ್ತ್ರವಾದ ಅಹಿಂಸೆ ಮತ್ತು ಜಾತ್ಯತೀತತೆಯ ತತ್ವಗಳನ್ನು ಆಧರಿಸಿದೆ ಎಂದು ಅವರು ಪ್ರತಿಪಾದಿಸಿದರು.

ಧರ್ಮಗಳ ವಿಮರ್ಶೆ:-

ಆಧುನಿಕ ಧರ್ಮಗಳು ನಿಜವಾದ “ಸನಾತನ ಧರ್ಮ” ಅಲ್ಲ ಎಂದು ಅವರು ವಾದಿಸಿದರು. ಶಿವನ ತತ್ವಗಳೇ ನಿಜವಾದ ಸನಾತನ ಧರ್ಮವನ್ನು ರೂಪಿಸುತ್ತವೆ ಎಂದು ಹೇಳಿದ ಅವರು, ಕಾರ್ಮಿಕರ ಕಲ್ಯಾಣಕ್ಕೆ ಶಿವತತ್ವ ಪಾಲನೆ ಅಗತ್ಯ ಎಂದು ನಂಬಿದರು. ಬಸವಣ್ಣ, ಬುದ್ಧ ಮತ್ತು ರಾವಣನಂತಹ ಐತಿಹಾಸಿಕ ವ್ಯಕ್ತಿಗಳು ಕೂಡಾ ಶಿವತತ್ವವನ್ನು ಅನುಸರಿಸಿದವರು ಎಂದು ಅವರು ಉಲ್ಲೇಖಿಸಿದರು.

ಬುದ್ಧ ಮತ್ತು ಶಿವತತ್ವ:

ಬುದ್ಧನ ಅಹಿಂಸಾವಾದವು ಶಿವತತ್ವದ ಒಂದು ಭಾಗ, ಬುದ್ಧನನ್ನು ಶಿವನ ಒಂದು ಅಂಶವೆಂದು ಎಂದು ಹೆಗ್ಡೆ ಹೇಳಿದರು. ಬುದ್ಧನನು ತನ್ನ ಜ್ಯೋತಿಷ್ಯ ಪುಸ್ತಕಗಳಲ್ಲಿ ರಾವಣನು ಬುದ್ಧನ ಶಿಷ್ಯ (ಅನುಯಾಯಿ) ಎಂದು ಬರೆದಿದ್ದಾರೆ ಎಂದು ಹೇಳಿದ ಅವರು ಈ ದೇಶದ ಇತಿಹಾಸದ ಚರಿತ್ರೆ ಮರುಚರ್ಚೆಯಾಗ ಬೇಕಾಗಿದೆ ಆಗ ಮಾತ್ರ ಶಿವನ ಶಿವತತ್ವದ ಪಾಲನೆ ಯಾಗುತ್ತದೆ ಎಂದು ಇಂಟೆಕ್ ಅಧ್ಯಕ್ಷ ಕಿರಣ್ ಹೆಗ್ಡೆ ತಿಳಿಸಿದರು.

ವಾಮನ ಮತ್ತು ಬಲಿ ಚಕ್ರವರ್ತಿ ಕಥೆಗಳ ವಿಮರ್ಶೆ:-

ವಾಮನ ಮತ್ತು ಬಲಿ ಚಕ್ರವರ್ತಿ ಕಥೆಗಳು ನಿಜವಾದ ಇತಿಹಾಸವಲ್ಲ, ಬದಲಾಗಿ ಶ್ರಮಿಕ ಮತ್ತು ಬುಡಕಟ್ಟು ಸಮುದಾಯಗಳನ್ನು ದಮನ ಮಾಡಲು ರಚಿಸಿದ “ಕಾದಂಬರಿ ಕಥೆ ಪುಸ್ತಕ” ಎಂದು ಹೆಗ್ಡೆ ವಿಶ್ಲೇಷಿಸಿದರು. ದಾನ ಮತ್ತು ಪರೋಪಕಾರ ಮಾಡುವವರನ್ನು ಬಲಿ ತೆಗೆದು ಕೊಳ್ಳುವ ಉದ್ದೇಶದಿಂದ ಈ ಕಥೆಗಳನ್ನು ಬರೆಯಲಾಗಿದೆ ಎಂದು ಆರೋಪಿಸಿದ ಅವರು, ಇದು ಶ್ರಮಿಕರ ವಿರುದ್ಧದ ಕಥೆ ಯಾಗಿದ್ದು, ಬಲಿ ಚಕ್ರವರ್ತಿಗಳ ಪರವಾಗಿ ಹೋರಾಟ ಮಾಡುವುದು ಅನಿವಾರ್ಯ ಎಂದು ಕರೆ ನೀಡಿದರು.

ಕಾಂಗ್ರೆಸ್ ಪಕ್ಷದ ಪ್ರಶಂಸೆ ಮತ್ತು ಸರ್ಕಾರದ ಟೀಕೆ:-

ಕಾಂಗ್ರೆಸ್ ಕುರಿತು ಕಾಂಗ್ರೆಸ್ ಪಕ್ಷವು ರೈತ ಕಾಯಿದೆ ಮತ್ತು ಕಾರ್ಮಿಕರಿಗೆ ಪಿಂಚಣಿ ಯೋಜನೆಗಳಂತಹ ಕಾರ್ಮಿಕ ಪರ ಕಾನೂನುಗಳನ್ನು ಜಾರಿಗೆ ತಂದಿದೆ ಎಂದು ಹೆಗ್ಡೆ ಶ್ಲಾಘಿಸಿದರು. ಮನಮೋಹನ್ ಸಿಂಗ್ ಮತ್ತು ನರಸಿಂಹ ರಾವ್ ಸರ್ಕಾರವು ಜಾಗತೀಕರಣವನ್ನು ಅಳವಡಿಸಿಕೊಂಡಿದ್ದು ಆಹಾರದ ಕೊರತೆಯನ್ನು ನಿಭಾಯಿಸಲು ಆ ಸಮಯದಲ್ಲಿ ಅವಶ್ಯಕವಾಗಿತ್ತು ಎಂದು ಅವರು ಒಪ್ಪಿಕೊಂಡರು.

ಬಿಜೆಪಿ ಸರ್ಕಾರ ಕುರಿತು:-

ಪ್ರಸ್ತುತ ಬಿಜೆಪಿ ಸರ್ಕಾರವು ಕಾರ್ಮಿಕರ ಹಕ್ಕುಗಳನ್ನು ಕಡೆಗಣಿಸಿದೆ ಎಂದು ಅವರು ಟೀಕಿಸಿದರು. ರಸ್ತೆ ನಿರ್ಮಾಣ ಯೋಜನೆಗಳಿಗೆ ಮೀಸಲಾದ ಕಾರ್ಮಿಕರ ಹಣವನ್ನು ರಾಜಕಾರಣಿಗಳು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ ಎಂದು ಆರೋಪಿಸಿದರು. ಜೊತೆಗೆ, ಮರಳು ಗಣಿಗಾರಿಕೆ ಕಾನೂನುಗಳನ್ನು ಅಕ್ರಮ ಹಣ ಗಳಿಕೆಗೆ ಅನುಕೂಲ ವಾಗುವಂತೆ ಮಾಡಿದ್ದಾರೆ ಎಂದು ಆರೋಪಿಸಿ, ಇದರಿಂದಾಗಿ ಕಟ್ಟಡ ಮತ್ತು ಲಾರಿ ಕಾರ್ಮಿಕರು ಕೆಲಸ ಕಳೆದು ಕೊಂಡಿದ್ದಾರೆ ಎಂದು ತಿಳಿಸಿದರು.

ಹೋರಾಟಕ್ಕೆ ಕರೆ:-

ಕಾರ್ಮಿಕ ವರ್ಗದ ಕಲ್ಯಾಣಕ್ಕಾಗಿ ಜಾಗೃತಿ ಮೂಡಿಸಲು ಮತ್ತು ಬದಲಾವಣೆ ತರಲು ಆಕ್ರಮಣಕಾರಿ ಹೋರಾಟ ಮಾಡುವುದು ಅಗತ್ಯ ಎಂದು ಹೆಗ್ಡೆ ಹೇಳಿದರು. ಅವರು ಬಾಲಕೃಷ್ಣ ಶೆಟ್ಟಿಯವರಿಗೆ ಸಂಪೂರ್ಣ ಬೆಂಬಲ ವ್ಯಕ್ತಪಡಿಸಿದರು. ಐಎನ್‌ಟಿಯುಸಿ ಮತ್ತು ಹೊಸದಾಗಿ ಸ್ಥಾಪನೆಯಾಗುತ್ತಿರುವ ‘ಶಿವರಾಯ ಸಂಘಟನೆ’ಗಳು ಕಾರ್ಮಿಕರ ಹಕ್ಕುಗಳಿಗಾಗಿ ಒಟ್ಟಾಗಿ ಹೋರಾಡಲಿವೆ ಎಂದು ಭರವಸೆ ನೀಡಿದರು.

ಬಾಲಕೃಷ್ಣ ಶೆಟ್ಟಿಯವರಂತಹ ನಾಯಕರ ಸಹಾಯದಿಂದ ಕಾರ್ಮಿಕರ ಸಮಸ್ಯೆಗಳನ್ನು ಸರ್ಕಾರದ ಗಮನಕ್ಕೆ ತಂದು ಪರಿಹರಿಸಲಾಗುವುದು ಎಂಬ ಆಶಯದೊಂದಿಗೆ ಅವರು ತಮ್ಮ ಭಾಷಣವನ್ನು ಮುಗಿಸಿದರು.

ವರದಿ:ಆರತಿ.ಗಿಳಿಯಾರು.ಉಡುಪಿ