💥 ಬ್ರೇಕಿಂಗ್ ನ್ಯೂಸ್: ಸಾರ್ವಜನಿಕರ ಜೀವದ ಜೊತೆ ಚೆಲ್ಲಾಟ! ಕಲಬೆರಕೆ ಆಹಾರಕ್ಕೆ ಹೆಸರಾದ ‘ಟ್ರಿನಿಟಿ ಕ್ಯಾಟರಿಂಗ್’ ಈಗೇಕೆ ಬಂದ್ ಆಗಿಲ್ಲ?ಪರವಾನಿಗೆ ಇಲ್ಲದ ‘ಹೋಟೆಲ್ ಆಶೀರ್ವಾದ್’ ವಿರುದ್ಧ ಮೌನ ಮುಂದುವರಿಕೆ – ಅಧಿಕಾರಿಗಳ ಕರ್ತವ್ಯ ಲೋಪದ ಕುರಿತು ಶಾಸಕರ ಮೌನವೇಕೆ..?

ಉಡುಪಿ ಡಿ.15

ಜಿಲ್ಲೆಯ ಮೂಡುಬೆಳ್ಳೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಕಾನೂನು ಉಲ್ಲಂಘನೆಗಳ ಸರಣಿಯೇ ಮುಂದುವರೆದಿದ್ದು, ಸ್ಥಳೀಯ ಆಡಳಿತ ಮತ್ತು ಜನ ಪ್ರತಿನಿಧಿಗಳ ಕಾರ್ಯ ವೈಖರಿ ಕುರಿತು ಗಂಭೀರ ಪ್ರಶ್ನೆಗಳು ಎದುರಾಗಿವೆ. ಕನಿಷ್ಠ ವಾಣಿಜ್ಯ ಪರವಾನಿಗೆ ಮತ್ತು FSSAI ಅನುಮತಿಯಿಲ್ಲದ ಕುಂತಲ ನಗರದ ‘ಹೋಟೆಲ್ ಆಶೀರ್ವಾದ್’ ರಾಜಾರೋಷವಾಗಿ ವ್ಯಾಪಾರ ನಡೆಸುತ್ತಿರುವುದು ಸ್ಥಳೀಯರ ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ.ಇದಲ್ಲದೆ, ಈ ಪ್ರದೇಶದ ಪ್ರಮುಖ ಆಹಾರ ಸಂಸ್ಥೆಯಾದ ಟ್ರಿನಿಟಿ ಕ್ಯಾಟರಿಂಗ್‌ನ ಅಕ್ರಮಗಳು ಮತ್ತಷ್ಟು ಭೀಕರ ಸ್ವರೂಪ ಪಡೆದಿವೆ. ಈ ಕ್ಯಾಟರಿಂಗ್‌ಗೆ ಹಿಂದೆ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (FSSAI) ಅಧಿಕಾರಿಗಳು, ಆಹಾರ ಪದಾರ್ಥಗಳನ್ನು ಪ್ಲಾಸ್ಟಿಕ್ ಕವರ್‌ಗಳಲ್ಲಿ ಪ್ಯಾಕ್ ಮಾಡಿ ವಿತರಿಸುತ್ತಿದ್ದ ಕಾರಣಕ್ಕೆ ಮುಟ್ಟುಗೋಲು ಹಾಕಿದ (ಪತ್ರ ಸಂಖ್ಯೆ 177, 241, 434, ದಿನಾಂಕ 14/2/2024, 21/8/2024, 30/10/2024 ರಂತೆ ಡಾ, ಪ್ರವೀಣ್ ಕುಮಾರ್ ಅವರು ಪರಿಶೀಲಿಸಿದ್ದರು) ಘಟನೆ ನಡೆದಿತ್ತು. ಆದರೆ, ಇಷ್ಟಾದ ನಂತರವೂ ಸಂಸ್ಥೆಯು ಕಾರ್ಯ ನಿರ್ವಹಿಸುತ್ತಿದ್ದು, ಸಾರ್ವಜನಿಕರ ಜೀವಕ್ಕೆ ಅಪಾಯ ತರುವಂತಹ ಕಲಬೆರಕೆಗಳನ್ನು ಆಹಾರ ತಯಾರಿಕೆಯಲ್ಲಿ ಬಳಸುತ್ತಿದೆ ಎನ್ನುವ ಆಘಾತಕಾರಿ ಮಾಹಿತಿ ಕೇಳಿ ಬಂದಿದೆ.

🛑 ಟ್ರಿನಿಟಿ ಕ್ಯಾಟರಿಂಗ್‌ ಮೇಲೆ ಗಂಭೀರ ಕಲಬೆರಕೆ ಆರೋಪಗಳು:-

ಸಾರ್ವಜನಿಕರ ಆರೋಗ್ಯಕ್ಕೆ ನೇರವಾಗಿ ಧಕ್ಕೆ ತರುವಂತಹ ಅಕ್ರಮಗಳ ಕುರಿತು ದೂರುಗಳು ಕೇಳಿ ಬಂದಿವೆ. ಕಲರ್ ಮತ್ತು ಅಪಾಯಕಾರಿ ವಸ್ತುಗಳ ಬಳಕೆ, ಟ್ರಿನಿಟಿ ಕ್ಯಾಟರಿಂಗ್‌ನಲ್ಲಿ ತಯಾರಾಗುವ ಆಹಾರಗಳಲ್ಲಿ ಕಲರ್‌ ಮತ್ತು ಹಾಜನಾ ಮೋಟೋ ಎನ್ನುವ ಕಲಬೆರಕೆ ವಸ್ತುಗಳನ್ನು ಬಳಸುತ್ತಾರೆ ಎನ್ನುವ ಮಾಹಿತಿ ಕೇಳಿ ಬಂದಿದೆ.

ಅಶುಚಿತ್ವದ ವಾತಾವರಣ:-

ಇಡ್ಲಿಗಳಲ್ಲಿ ಕೂದಲು ಮತ್ತು ಇರುವೆಗಳು ಕೂಡ ಕಂಡು ಬಂದಿರುವ ನಿದರ್ಶನಗಳು ಬೆಳಕಿಗೆ ಬಂದಿವೆ.ಸಾರ್ವಜನಿಕರು ಈ ವಿಚಾರವಾಗಿ ಅಕ್ರೋಶ ವ್ಯಕ್ತಪಡಿಸಿದ್ದು, ಕಲಬೆರಕೆಗಳನ್ನು ಉಪಯೋಗಿಸಿ, ಸಾರ್ವಜನಿಕರಿಗೆ ಕ್ಯಾನ್ಸರ್‌ ಕಾರಕ ಮಾರಕ ಕಾಯಿಲೆಗಳಿಗೆ ತುತ್ತಾಗುವ ಸಾಧ್ಯತೆಗಳನ್ನು ಹೆಚ್ಚಿಸುತ್ತಿರುವ ಅಂತಹ ಕ್ಯಾಟರಿಂಗ್‌ಗಳನ್ನು ಕೂಡಲೇ ಬಂದ್ ಮಾಡಬೇಕು ಮತ್ತು ಜೀವದ ಜೊತೆ ಚೆಲ್ಲಾಟವಾಡುತ್ತಿರುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.

🚨 ‘ಹೋಟೆಲ್ ಆಶೀರ್ವಾದ್’ ಮೇಲಿನ ಪ್ರಮುಖ ಆರೋಪಗಳು:-

ಒಂದೆಡೆ ಕಲಬೆರಕೆ ಆಹಾರದ ಅಪಾಯವಿದ್ದರೆ, ಮತ್ತೊಂದೆಡೆ **’ಹೋಟೆಲ್ ಆಶೀರ್ವಾದ್’** ನ ನಿಯಮ ಉಲ್ಲಂಘನೆ ಮುಂದುವರಿದಿದೆ,

ಪರವಾನಿಗೆ ಇಲ್ಲದೆ ವ್ಯಾಪಾರ:-

ಈ ಹೋಟೆಲ್ ಯಾವುದೇ ವಾಣಿಜ್ಯ ಪರವಾನಿಗೆ, ಕಟ್ಟಡ ಅನುಮತಿ, ಮತ್ತು ಅತ್ಯಗತ್ಯವಾದ FSSAI ಪರವಾನಿಗೆಯನ್ನು ಹೊಂದಿಲ್ಲ.

ತೆರಿಗೆ ವಂಚನೆ:-

ಪಂಚಾಯತ್‌ಗೆ ಯಾವುದೇ ವಾಣಿಜ್ಯ ತೆರಿಗೆ ಪಾವತಿ ಇಲ್ಲದೆ, ಸ್ಥಳೀಯ ಸಂಸ್ಥೆಗೆ ಆದಾಯದಲ್ಲಿ ನಷ್ಟ ಉಂಟುಮಾಡುತ್ತಿದೆ.ಅಧಿಕಾರಿಗಳ ಅನುಮಾನಾಸ್ಪದ ಮೌನ:- ಅಕ್ರಮ ಚಟುವಟಿಕೆಗಳು ಸ್ಥಳೀಯ ಗ್ರಾಮ ಪಂಚಾಯತ್ ಅಧಿಕಾರಿಗಳ ಗಮನಕ್ಕೆ ಬಂದಿದ್ದರೂ, ಈವರೆಗೆ ಯಾವುದೇ ಕಾನೂನು ಕ್ರಮ ಜರುಗಿಲ್ಲ.

❓ ಶಾಸಕರ ಮೌನಕ್ಕೆ ಕಾರಣವೇನು..?

ಸಣ್ಣ ಬೀದಿಬದಿ ವ್ಯಾಪಾರಿಗಳ ವಿರುದ್ಧ ತಕ್ಷಣ ಕ್ರಮ ಕೈಗೊಳ್ಳುವ ಅಧಿಕಾರಿಗಳು, ಈ ದೊಡ್ಡ ಹೋಟೆಲ್ ಹಾಗೂ ಗಂಭೀರ ಕಲಬೆರಕೆ ಆರೋಪ ಎದುರಿಸುತ್ತಿರುವ ಕ್ಯಾಟರಿಂಗ್‌ಗಳ ವಿರುದ್ಧ ಕ್ರಮ ಕೈಗೊಳ್ಳದೆ ಇರುವುದು ಸ್ಥಳೀಯ ಆಡಳಿತ ಮತ್ತು ಸಂಸ್ಥೆಗಳ ನಡುವೆ ‘ಅನುಮಾನಾಸ್ಪದ ಹೊಂದಾಣಿಕೆ’ ನಡೆದಿದೆ ಎಂಬ ಗಂಭೀರ ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಎಲ್ಲಾ ನಿಯಮ ಉಲ್ಲಂಘನೆಗಳು ಕಣ್ಣೆದುರಿಗೆ ನಡೆಯುತ್ತಿದ್ದರೂ ಕ್ಷೇತ್ರದ ಜನಪ್ರತಿನಿಧಿಯಾದ ಶಾಸಕರು ಈ ಕುರಿತು ಮೌನ ತಾಳಿರುವುದು ಹಲವು ಸಂಶಯಗಳಿಗೆ ಎಡೆಮಾಡಿದೆ. ಈ ಕಾನೂನುಬಾಹಿರ ಚಟುವಟಿಕೆಗಳ ಕುರಿತು ಶಾಸಕರಿಗೂ ತಿಳಿದಿದೆಯೇ ಮತ್ತು ಅಧಿಕಾರಿಗಳ ಕರ್ತವ್ಯ ಲೋಪಕ್ಕೆ ಅವರ ಬೆಂಬಲ ಇದೆಯೇ ಎಂಬ ಚರ್ಚೆ ಶುರುವಾಗಿದೆ.

⚖️ ತಕ್ಷಣದ ಕ್ರಮಕ್ಕೆ ಜಿಲ್ಲಾಧಿಕಾರಿಗಳಿಗೆ ಮನವಿ:-

ಸ್ಥಳೀಯ ನಾಗರಿಕರು ಇಂದು (ನವೆಂಬರ್ 28, 2025) ಜಿಲ್ಲಾಧಿಕಾರಿಗಳು ಮತ್ತು ಮೂಡುಬೆಳ್ಳೆ ಪಿಡಿಓ ಅವರಿಗೆ ಮನವಿ ಪತ್ರ ಸಲ್ಲಿಸಿದ್ದಾರೆ. ತಕ್ಷಣವೇ ಈ ಎಲ್ಲಾ ಅಕ್ರಮ ಚಟುವಟಿಕೆಗಳನ್ನು ನಿಲ್ಲಿಸಲು, ಕ್ಯಾಟರಿಂಗ್‌ಗಳನ್ನು ಬಂದ್ ಮಾಡಲು ಮತ್ತು ನಿಯಮ ಉಲ್ಲಂಘಿಸಿದವರ ಹಾಗೂ ಕರ್ತವ್ಯ ಲೋಪವೆಸಗಿದ ಅಧಿಕಾರಿಗಳ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಲು ಅವರು ಒತ್ತಾಯಿಸಿದ್ದಾರೆ.

🛑 ಕರ್ತವ್ಯ ಲೋಪವೆಸಗಿದ ಅಧಿಕಾರಿಗಳ ವಿರುದ್ಧ ಕಾನೂನಾತ್ಮಕ ಟಿಪ್ಪಣಿ:-

ಈ ವಿಷಯದಲ್ಲಿ ಕ್ರಮ ಕೈಗೊಳ್ಳಲು ವಿಫಲರಾಗಿರುವ ಅಧಿಕಾರಿಗಳ ವಿರುದ್ಧ ಕಠಿಣ ಕಾನೂನು ಕ್ರಮಕ್ಕೆ ಅವಕಾಶಗಳಿವೆ.

ಕರ್ನಾಟಕ ಗ್ರಾಮ ಸ್ವರಾಜ್ ಮತ್ತು ಪಂಚಾಯತ್ ರಾಜ್ ಅಧಿನಿಯಮ 1993ರ ಅಡಿಯಲ್ಲಿ:-

ಪಿಡಿಓ ಅಥವಾ ಕಾರ್ಯದರ್ಶಿಗಳು ಉದ್ದೇಶ ಪೂರ್ವಕವಾಗಿ ಕರ್ತವ್ಯಗಳನ್ನು ನಿರ್ಲಕ್ಷ್ಯ ಮಾಡಿದರೆ, ಅಥವಾ ಅಕ್ರಮ ಚಟುವಟಿಕೆಗಳಿಗೆ ಅವಕಾಶ ನೀಡಿದರೆ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (CEO) ಅವರು ತನಿಖೆ ನಡೆಸಿ ಅಮಾನತು (Suspension) ಸೇರಿದಂತೆ ಶಿಕ್ಷೆ ನೀಡಬಹುದು.

ಭ್ರಷ್ಟಾಚಾರ ನಿಗ್ರಹ ಕಾಯ್ದೆ (Prevention of Corruption Act):-

ನಿರ್ಲಕ್ಷ್ಯದ ಹಿಂದೆ ಲಂಚದ ಪಾತ್ರವಿದ್ದರೆ, ಅದು ಭ್ರಷ್ಟಾಚಾರದ ವ್ಯಾಪ್ತಿಗೆ ಬರುತ್ತದೆ. ಆ ಸಂದರ್ಭದಲ್ಲಿ, ಅಂತಹ ಅಧಿಕಾರಿಗಳ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಬಹುದು.

IPC ಸೆಕ್ಷನ್ 166:-

ಸಾರ್ವಜನಿಕ ಸೇವಕರು ಕಾನೂನಿನ ಅಡಿಯಲ್ಲಿ ನಿರ್ವಹಿಸಬೇಕಾದ ಕೆಲಸವನ್ನು ಮಾಡದೆ, ಯಾರಿಗಾದರೂ ಹಾನಿ ಮಾಡುವ ಉದ್ದೇಶದಿಂದ ನಿರ್ಲಕ್ಷ್ಯ ವಹಿಸಿದರೆ, ಅವರ ವಿರುದ್ಧ ಈ ಸೆಕ್ಷನ್ ಅಡಿಯಲ್ಲಿ ಕ್ರಮ ಕೈಗೊಳ್ಳಬಹುದು.

FSSAI ಕಾಯ್ದೆ:-

ಪರವಾನಿಗೆ ಇಲ್ಲದಿದ್ದರೂ ಕ್ರಮ ಕೈಗೊಳ್ಳಲು ವಿಫಲರಾದ ಆಹಾರ ಸುರಕ್ಷತಾ ಅಧಿಕಾರಿಯ ಕರ್ತವ್ಯ ಲೋಪದ ಕುರಿತು ಉನ್ನತ ಪ್ರಾಧಿಕಾರಕ್ಕೆ ದೂರು ನೀಡಲು ಅವಕಾಶವಿದೆ.

ತಕ್ಷಣದ ಆಗ್ರಹ:-

ಜಿಲ್ಲಾಧಿಕಾರಿಗಳು ಮತ್ತು ಜಿಲ್ಲಾ ಪಂಚಾಯತ್ CEO ಅವರು ಈ ಅಕ್ರಮಗಳ ಬಗ್ಗೆ ತಕ್ಷಣ ಗಮನಹರಿಸಿ, ಹೋಟೆಲ್ ಮತ್ತು ಕ್ಯಾಟರಿಂಗ್‌ನ ಅಕ್ರಮ ಚಟುವಟಿಕೆಗಳನ್ನು ನಿಲ್ಲಿಸುವುದರ ಜೊತೆಗೆ ಕರ್ತವ್ಯ ನಿರ್ಲಕ್ಷ್ಯ ತೋರಿದ ಅಧಿಕಾರಿಗಳ ವಿರುದ್ಧ ತನಿಖೆ ನಡೆಸಿ ಸೂಕ್ತ ಕ್ರಮ ಕೈಗೊಳ್ಳಬೇಕಿದೆ.

ವರದಿ:ಆರತಿ.ಗಿಳಿಯಾರು.ಉಡುಪಿ