🚨ಬ್ರೇಕಿಂಗ್ ನ್ಯೂಸ್🚨 💥ಬಜಾಜ್ ಪವನ್ ಮೋಟರ್ಸ್ ಸರ್ವಿಸ್ ಸೆಂಟರ್ ಅವಾಂತರ, ಸಾರ್ವಜನಿಕರಿಗೆ ಹಾಗೂ ಶಾಲೆಗೆ – ತೆರಳುವ ಮಕ್ಕಳಿಗೆ ಪರದಾಟ!💥

ಉಡುಪಿ ಸೆ.25

ನಗರ ಸಭೆ ವ್ಯಾಪ್ತಿಯ 8ನೇ ನಿಟ್ಟೂರು ವಾರ್ಡ್‌ನಲ್ಲಿರುವ ‘ಬಜಾಜ್ (BAJAJ) ಪವನ್ ಮೋಟರ್ಸ್ (PAVAN MOTORS) ಸರ್ವಿಸ್ & ಸ್ಪೇರ್’ ಕೇಂದ್ರದ ವಿರುದ್ಧ ಸಾರ್ವಜನಿಕರಿಂದ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಇಲ್ಲಿನ ಅವೈಜ್ಞಾನಿಕ ನಿರ್ವಹಣೆಯಿಂದ ಸಾರ್ವಜನಿಕರಿಗೆ ಭಾರೀ ತೊಂದರೆಯಾಗುತ್ತಿದ್ದು, ಕೂಡಲೇ ಜಿಲ್ಲಾಡಳಿತ ಹಾಗೂ ನಗರಸಭೆ ಇದರ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂಬ ಒತ್ತಡ ಹೆಚ್ಚಾಗಿದೆ.

ವರದಿಯ ಪ್ರಮುಖಾಂಶಗಳು:-

ಕಲುಷಿತ ನೀರು ಹಾಗೂ ರಸ್ತೆ ಸಂಚಾರ ಕಿರಿಕಿರಿ:-

ಸರ್ವಿಸ್ ಮಾಡಿದ ವಾಹನಗಳ ಕಲುಷಿತ ನೀರು ನೇರವಾಗಿ ರಸ್ತೆಗಳ ಮೇಲೆ ಚಿಮ್ಮುತ್ತಿದ್ದು, ಸಂಚರಿಸುವ ಸಾರ್ವಜನಿಕರ ಮೈಮೇಲೆ ಬೀಳುವುದರಿಂದ ತೀವ್ರ ಕಿರಿಕಿರಿಯನ್ನುಂಟುಮಾಡಿದೆ.

ರೋಗಗಳ ಭೀತಿ:-

ಈ ಸರ್ವಿಸ್ ತ್ಯಾಜ್ಯ ನೀರು ಚರಂಡಿಗೆ ಸೇರುತ್ತಿರುವುದರಿಂದ ಸೊಳ್ಳೆಗಳ ಉತ್ಪತ್ತಿ ಹೆಚ್ಚಾಗಿ ಡೆಂಗ್ಯೂ ಹಾಗೂ ಮಲೇರಿಯಾದಂತಹ ಮಾರಣಾಂತಿಕ ರೋಗಗಳು ಹರಡುವ ಗಂಭೀರ ಆತಂಕ ಎದುರಾಗಿದೆ.

ನಿಯಮ ಬಾಹಿರ ರಸ್ತೆ ಒತ್ತುವರಿ ಹಾಗೂ ರಿಪೇರಿ:-

ಸರ್ವಿಸ್‌ಗೆ ಬರುವ ವಾಹನಗಳನ್ನು ಎಲ್ಲೆಂದರಲ್ಲಿ ರಿಪೇರಿ ಮಾಡಿ ರಸ್ತೆಯಲ್ಲೇ ನಿಲ್ಲಿಸುತ್ತಿರುವುದು ಬೆಳಕಿಗೆ ಬಂದಿದೆ. ಕಾಂಪೌಂಡ್ ಗೋಡೆಗಳೂ ಕೂಡ ನಿಯಮ ಉಲ್ಲಂಘಿಸಿ ನಿರ್ಮಿಸಲಾಗಿದೆ ಎಂಬ ಶಂಕೆ ವ್ಯಕ್ತವಾಗಿದ್ದು, ಇದಕ್ಕೆ ಅಧಿಕೃತ ಪರವಾನಿಗೆ ಇದೆಯೇ ಎಂಬ ಅನುಮಾನ ಕಾಡುತ್ತಿದೆ.

ಆದಿವಾಸಿ ಸಮುದಾಯ ಭವನದ ದುಸ್ಥಿತಿ:-

ಈ ಹತ್ತಿರದಲ್ಲೇ ಇರುವ ಆದಿವಾಸಿ ಸಮುದಾಯ ಭವನವು ಪಾಳುಬಿದ್ದು, ಅಲ್ಲಿಂದ ಕೊಳೆತ ನೀರು ಗಬ್ಬೆದ್ದು ನಾರುತ್ತಿದೆ. ನಗರ ಸಭೆ ಮತ್ತು ಜಿಲ್ಲಾಡಳಿತದ ಸಂಪೂರ್ಣ ನಿರ್ಲಕ್ಷ್ಯವೇ ಇದಕ್ಕೆ ಕಾರಣ ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಶಾಲಾ ಮಕ್ಕಳಿಗೆ ತೊಂದರೆ:-

ಇದೇ ಭಾಗದಲ್ಲಿ ಮುಂದೆ ಪ್ರಾಥಮಿಕ ಶಾಲೆಗಳೂ ಇದ್ದು, ಶಾಲೆಗೆ ತೆರಳುವ ಕಂದಮ್ಮಗಳು ಓಡಾಡುವ ದಾರಿಯಲ್ಲೇ ವಾಹನಗಳನ್ನು ನಿಲ್ಲಿಸುವುದರಿಂದ ಮತ್ತು ನೀರು ಸಿಡಿಯುವುದರಿಂದ ಮಕ್ಕಳು ತುಂಬಾ ತೊಂದರೆ ಅನುಭವಿಸುವಂತಾಗಿದೆ.

ಈ ರೀತಿಯ ಅನಧಿಕೃತ ಹಾಗೂ ನಿಯಮ ಬಾಹಿರ ಸರ್ವಿಸ್ ಸೆಂಟರ್‌ಗಳಿಗೆ ನಗರಸಭೆ ಪರವಾನಿಗೆ ನೀಡಿದ್ದಲ್ಲಿ, ಕೂಡಲೇ ಅದನ್ನು ರದ್ದುಪಡಿಸ ಬೇಕು. ಈ ಕೂಡಲೇ ಜಿಲ್ಲಾ ಉಸ್ತುವಾರಿ ಸಚಿವರು ಮತ್ತು ಸಂಬಂಧಪಟ್ಟ ಜಿಲ್ಲಾಡಳಿತ ಹಾಗೂ ನಗರ ಸಭೆ ಅಧಿಕಾರಿಗಳು ಈ ಕೂಡಲೇ ಇತ್ತ ಗಮನಹರಿಸಿ, ಸಾರ್ವಜನಿಕರ ಆರೋಗ್ಯ ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಹಾಗೂ ಸ್ಥಳೀಯರು ಆಗ್ರಹಿಸಿದ್ದಾರೆ.

ವರದಿ:ಆರತಿ.ಗಿಳಿಯಾರ.ಉಡುಪಿ