🚨ಬಿಗ್ ಬ್ರೇಕಿಂಗ್ ನ್ಯೂಸ್, ಇಡೀ ಉಡುಪಿ ಜಿಲ್ಲೆಯೇ ಬೆಚ್ಚಿ ಬೀಳಿಸುವ ಮಹಾ ವರದಿ!🚨 🚨ಕರಾವಳಿಯ ಕಣ್ಣೀರು ‘ಕೋಟ’ ಫಿಶ್ ಮಿಲ್ ರಕ್ಕಸನ ಮರಣಪಾಶಕ್ಕೆ ಬ್ರಹ್ಮಾವರ ತಾಲ್ಲೂಕು ಸ್ಮಶಾನ ಸೌಂದರ್ಯ! – ದುರ್ನಾತದ ನರಕದಲ್ಲಿ ಜೀವನ್ಮರಣ ಹೋರಾಟ ನಡೆಸುತ್ತಿರುವ ಜನತೆ!🚨

ಉಡುಪಿ ಮೇ.25

ಉಡುಪಿ ಜಿಲ್ಲೆಯ ಬ್ರಹ್ಮಾವರ ತಾಲ್ಲೂಕಿನ ಪ್ರಸಿದ್ಧ ಹಾಗೂ ಸಾಂಸ್ಕೃತಿಕ ಇತಿಹಾಸವಿರುವ “ಕೋಟ” ಮತ್ತು ಅದರ ಸುತ್ತಮುತ್ತಲಿನ ಪರಿಸರ ಇಂದು ಅಕ್ಷರಶಃ ಜೀವಂತ ನರಕವಾಗಿ ಮಾರ್ಪಟ್ಟಿದೆ! ಆರ್ಥಿಕ ಪ್ರಗತಿ, ಉದ್ಯೋಗ ಸೃಷ್ಟಿ ಮತ್ತು ವಿದೇಶಿ ರಫ್ತು ವ್ಯಾಪಾರದ ಹೊದಿಕೆಯೊಳಗೆ ಇಲ್ಲಿ ಕಾರ್ಯಾಚರಿಸುತ್ತಿರುವ ಬೃಹತ್ “ಫಿಶ್ ಮಿಲ್ (ಮೀನಿನ ಪುಡಿ ಮತ್ತು ಎಣ್ಣೆ ತಯಾರಿಕಾ ಕಾರ್ಖಾನೆಗಳು)” ಇಡೀ ಜಿಲ್ಲೆಯನ್ನೇ ಬೆಚ್ಚಿ ಬೀಳಿಸುವಂತಹ ಭೀಕರ ಪರಿಸ್ಥಿತಿಯನ್ನು ಸೃಷ್ಟಿಸಿವೆ. ಸ್ಥಳೀಯ ರಾಜಕೀಯ ಪ್ರಭಾವ, ಉದ್ಯಮಿಗಳ ಹಪಾಹಪಿ ಹಾಗೂ ಅಧಿಕಾರಿಗಳ ಮೌನಕ್ಕೆ ಕೋಟ ಪರಿಸರದ ಹತ್ತಾರು ಹಳ್ಳಿಗಳ ಅಮಾಯಕ ಸಾರ್ವಜನಿಕರ ಜೀವ ಬಲಿಯಾಗುತ್ತಿದೆ.

ಈ ಮಾರಕ ಉದ್ಯಮದಿಂದ ಉಂಟಾಗಿರುವ ವಿನಾಶಕಾರಿ ಮಾಲಿನ್ಯ, ಹರಡುತ್ತಿರುವ ಮಾರಣಾಂತಿಕ ಕಾಯಿಲೆಗಳು ಮತ್ತು ರಸ್ತೆಗಳ ಮೃತ್ಯುಕೂಪದ ಕರಾಳ ಸತ್ಯದ ಸಂಪೂರ್ಣ ತನಿಖಾ ವರದಿ ಇಲ್ಲಿದೆ!

⚡ ಕೋಟ ಪರಿಸರದಲ್ಲಿ ಫಿಶ್ ಮಿಲ್ ರಕ್ಕಸ ಸಾಮ್ರಾಜ್ಯ:-

ಏನಿದರ ಅಸಲಿ ಕರಾಳ ಮುಖ..?

ಬ್ರಹ್ಮಾವರ ತಾಲ್ಲೂಕಿನ ಕೋಟ ಕರಾವಳಿ ತೀರ ಹಾಗೂ ಹತ್ತಿರದ ಸಂಪರ್ಕ ರಸ್ತೆಗಳ ಪ್ರಮುಖ ಕೇಂದ್ರಗಳನ್ನು ಬಳಸಿ ಕೊಂಡು ಈ ಬೃಹತ್ ಫಿಶ್ ಮಿಲ್ ಘಟಕಗಳು ತಲೆಯೆತ್ತಿವೆ. ನಿತ್ಯವೂ ನೂರಾರು ಟನ್ ಕರಾವಳಿಯ ಕೊಳೆತ, ಸಣ್ಣ ಹಾಗೂ ಇತರೆ ತ್ಯಾಜ್ಯ ಮೀನುಗಳನ್ನು ಇಲ್ಲಿಗೆ ನೂರಾರು ಲಾರಿಗಳ ಮೂಲಕ ತಂದು ಸಂಸ್ಕರಿಸಲಾಗುತ್ತದೆ.

☣️ ಉಸಿರು ಗಟ್ಟಿಸುವ ರಕ್ಕಸ ದುರ್ನಾತ:-

ಕೋಳಿ ಆಹಾರ (Poultry Feed) ಮತ್ತು ಸೀಗಡಿ ಸಾಕಣೆಯ ತಿನಿಸುಗಳಿಗಾಗಿ ಮೀನಿನ ಪುಡಿ ಹಾಗೂ ಎಣ್ಣೆಯನ್ನು ಸಿದ್ಧ ಪಡಿಸುವಾಗ ಹೊರ ಹೊಮ್ಮುವ ತೀವ್ರ ಸ್ವರೂಪದ ಅಸಹನೀಯ ಕೊಳೆತ ವಾಸನೆ ಇಡೀ ಕೋಟ, ಸಾಲಿಗ್ರಾಮ, ಮಣೂರು, ಕಾರಕಡ ಸೇರಿದಂತೆ ಸುತ್ತ ಮುತ್ತಲಿನ ಹತ್ತಾರು ಕಿಲೋಮೀಟರ್‌ ಗಟ್ಟಲೆ ವ್ಯಾಪ್ತಿಯನ್ನು ಆವರಿಸಿದೆ.

📜 ನಿಯಮಗಳ ಸಂಪೂರ್ಣ ಗಾಳಿಗೆ ತೂರಾಟ:-

ಕರ್ನಾಟಕ ರಾಜ್ಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯ (KSPCB) ಯಾವುದೇ ಸುರಕ್ಷತಾ ನಿಯಮಗಳನ್ನು ಪಾಲಿಸದೆ, ಜನವಸತಿ ಮತ್ತು ಫಲವತ್ತಾದ ಕೃಷಿ ಭೂಮಿಯ ಮಧ್ಯದಲ್ಲೇ ಈ ರಕ್ಕಸ ಘಟಕಗಳು ರಾಜಾರೋಷವಾಗಿ ಹಗಲು-ರಾತ್ರಿ ಕಾರ್ಯಾಚರಿಸುತ್ತಿವೆ!

⚡ ಇತ್ತೀಚಿನ ಭೀಕರ ವಿವಾದಗಳು ಮತ್ತು ಧಗಾ ಧಗಿಸುತ್ತಿರುವ ಜನಾಕ್ರೋಶ..!

ಇತ್ತೀಚಿನ ದಿನಗಳಲ್ಲಿ ಕೋಟ ಪರಿಸರದಲ್ಲಿ ಸಾರ್ವಜನಿಕರ ತಾಳ್ಮೆಯ ಹಣೆಬರಹ ಮುರಿದು ಬಿದ್ದಿದ್ದು, ಜನಾಂದೋಲನ ತೀವ್ರ ಸ್ವರೂಪ ಪಡೆದು ಕೊಂಡಿದೆ.

🔥 ಕಲ್ಲಿದ್ದಲು (Coal) ಬಳಕೆಯ ಮಹಾ ವಂಚನೆ:-

ಇತ್ತೀಚೀಗೆ ಕೆಲವು ಫಿಶ್ ಮಿಲ್ ಮಾಲೀಕರು ಲಾಭದ ಹಪಾ ಹಪಿಗೆ ಬಿದ್ದು, ಬಾಯ್ಲರ್‌ಗಳಿಗೆ ಕಟ್ಟಿಗೆಯ ಬದಲು ತೀವ್ರ ಮಾಲಿನ್ಯಕಾರಕ ಹಾಗೂ ಅಗ್ಗದ “ಕಲ್ಲಿದ್ದಲನ್ನು (Coal)” ಬಳಸುತ್ತಿರುವುದು ಸಾರ್ವಜನಿಕರ ದಾಳಿಯಿಂದ ಪತ್ತೆಯಾಗಿದೆ. ಇದರಿಂದ ಇಡೀ ಊರಿನ ತುಂಬೆಲ್ಲಾ ವಿಷಕಾರಿ ಕಪ್ಪು ಹೊಗೆ ಮತ್ತು ಬೂದಿ ಆವರಿಸಿ ಕೊಳ್ಳುತ್ತಿದ್ದು, ಜನರ ಮನೆಗಳು, ಗದ್ದೆಗಳು, ಬಾವಿಗಳು ಹಾಗೂ ಹಸಿರು ತೋಟಗಳು ಕಪ್ಪನೆಯ ಬೂದಿಯ ಮಯವಾಗಿವೆ!

🔥 CRZ ನಿಯಮಗಳ ನಗ್ನ ಉಲ್ಲಂಘನೆ:-

ಕರಾವಳಿ ನಿಯಂತ್ರಣ ವಲಯ (CRZ) ನಿಯಮಗಳ ಸ್ಪಷ್ಟ ಉಲ್ಲಂಘನೆ ಯಾಗುತ್ತಿದ್ದರೂ, ಸ್ಥಳೀಯ ಆಡಳಿತ ಮತ್ತು ಪರಿಸರ ಇಲಾಖೆಯ ಅಧಿಕಾರಿಗಳು ಉದ್ಯಮಿಗಳ ಪ್ರಭಾವ ಹಾಗೂ ಹಣದ ಬಲಕ್ಕೆ ಮಣಿದು ಕಣ್ಣಿಗೆ ಕಪ್ಪು ಬಟ್ಟೆ ಕಟ್ಟಿ ಕೊಂಡು ಕುಳಿತಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದೆ.

⚡ ಇಡೀ ಊರನ್ನೇ ಕಾಡುತ್ತಿರುವ ಭೀಕರ ಕಾಯಿಲೆಗಳ ಪಟ್ಟಿ..!

ಈ ಫಿಶ್ ಮಿಲ್‌ಗಳಿಂದಾಗಿ ಕೋಟ ಪರಿಸರದಲ್ಲಿ ಆರೋಗ್ಯ ತುರ್ತುಸ್ಥಿತಿ (Health Emergency) ಘೋಷಿಸುವಂತಹ ಭಯಾನಕ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಲ್ಲಿ ಉತ್ಪತ್ತಿಯಾಗುತ್ತಿರುವ ಪ್ರಮುಖ ಮಾರಕ ರೋಗಗಳು ಹೀಗಿವೆ.

😷 ತೀವ್ರ ಸ್ವರೂಪದ ಶ್ವಾಸಕೋಶದ ರೋಗಗಳು:-

ಗಾಳಿಯಲ್ಲಿ ಹರಡುವ ಮೀನಿನ ಕೊಳೆತ ಹೈಡ್ರೋಜನ್ ಸಲ್ಫೈಡ್, ಅಮೋನಿಯಾ ಅನಿಲ ಮತ್ತು ಕಲ್ಲಿದ್ದಲಿನ ವಿಷಕಾರಿ ಹೊಗೆಯಿಂದಾಗಿ ಸಣ್ಣ ಮಕ್ಕಳು ಹಾಗೂ ವೃದ್ಧರಲ್ಲಿ ತೀವ್ರವಾದ ಅಸ್ತಮಾ, ಬ್ರಾಂಕೈಟಿಸ್, ಕ್ಷಯ (TB) ಮತ್ತು ಉಸಿರು ಕಟ್ಟುವಿಕೆ ಕಾಣಿಸಿ ಕೊಳ್ಳುತ್ತಿದೆ. ಇಲ್ಲಿನ ಶಾಲೆಗಳಿಗೆ ಹೋಗುವ ಮಕ್ಕಳು ನಿರಂತರವಾಗಿ ಕೆಮ್ಮು ಮತ್ತು ಉಸಿರಾಟದ ಸಮಸ್ಯೆ ಯಿಂದ ಬಳಲುತ್ತಿದ್ದಾರೆ.

🦠 ಭೀಕರ ಚರ್ಮದ ರೋಗಗಳು:-

ಗಾಳಿ ಮತ್ತು ನೀರಿನಲ್ಲಿ ಬೆರೆತುಕೊಳ್ಳುತ್ತಿರುವ ವಿಷಕಾರಿ ಕೆಮಿಕಲ್‌ಗಳಿಂದಾಗಿ ಸ್ಥಳೀಯ ನಿವಾಸಿಗಳಲ್ಲಿ ತೀವ್ರ ಚರ್ಮದ ಅಲರ್ಜಿ, ಸೋಂಕು, ಉರಿ ಹಾಗೂ ದೀರ್ಘಕಾಲದ ದದ್ದುಗಳು ಕಾಣಿಸಿಕೊಳ್ಳುತ್ತಿವೆ.

🤯 ಮಾನಸಿಕ ವಿಕಲತೆ ಮತ್ತು ನಿದ್ದೆಹೀನತೆಯ ಕರಾಳತೆ:-

ದಿನದ 24 ಗಂಟೆಯೂ ಆವರಿಸಿರುವ ಹೆಣದಂತಹ ಕೊಳೆತ ದುರ್ನಾತದಿಂದಾಗಿ ಜನರು ನೆಮ್ಮದಿಯಿಂದ ಊಟ ಮಾಡಲು, ಉಸಿರಾಡಲು ಸಾಧ್ಯವಾಗುತ್ತಿಲ್ಲ. ಇದು ಜನರ ಮಾನಸಿಕ ನೆಮ್ಮದಿ ಕೆಡಿಸಿದ್ದು, ಖಿನ್ನತೆ, ಬಿಪಿ, ಮತ್ತು ತೀವ್ರ ನಿದ್ರಾಹೀನತೆಗೆ (Insomnia) ಕಾರಣವಾಗಿದೆ.

⚡ ಮಹಾ ವಂಚನೆ:-

ಅಪಾಯಕಾರಿ ರಾಸಾಯನಿಕ ತ್ಯಾಜ್ಯಗಳನ್ನು ಎಲ್ಲಿಗೆ ಸುರಿಯಲಾಗುತ್ತಿದೆ? ಕಾರ್ಖಾನೆಗಳಿಂದ ಹೊರ ಬರುವ ಅತ್ಯಂತ ವಿಷಕಾರಿ ರಾಸಾಯನಿಕ ಯುಕ್ತ ನೀರನ್ನು (Stick water) ಹಾಗೂ ಘನ ತ್ಯಾಜ್ಯವನ್ನು ಯಾವುದೇ ಶುದ್ಧೀಕರಣ ಘಟಕ (ETP/STP) ಬಳಸದೆ ರಹಸ್ಯವಾಗಿ ವಿಲೇವಾರಿ ಮಾಡಲಾಗುತ್ತಿದೆ.

🌊 ನದಿ ಮತ್ತು ಸಾಂಪ್ರದಾಯಿಕ ಜಲ ಮೂಲಗಳಿಗೆ ನೇರ ಕನೆಕ್ಷನ್:-

ಕೋಟ ಪರಿಸರದ ಹತ್ತಿರದ ನದಿ ಪಾತ್ರಗಳಿಗೆ, ಹಿನ್ನೀರು (Backwaters) ಮತ್ತು ಮಂಗ್ರೋವ್ (ಕಂಡ್ಲಾ ವನ) ಕಾಡುಗಳ ಮಧ್ಯೆ ಯಾರಿಗೂ ತಿಳಿಯದಂತೆ ರಹಸ್ಯ ಪೈಪ್‌ಲೈನ್‌ಗಳನ್ನು ಅಳವಡಿಸಿ, ಸಂಸ್ಕರಿಸದ ಆಸಿಡ್ ಹಾಗೂ ರಾಸಾಯನಿಕಯುಕ್ತ ಕಪ್ಪು ನೀರನ್ನು ನೇರವಾಗಿ ಹರಿಸಲಾಗುತ್ತಿದೆ! ಇದರಿಂದಾಗಿ ಇಡೀ ನದಿ ನೀರು ಕಪ್ಪಾಗಿದ್ದು, ಲಕ್ಷಾಂತರ ಮೀನುಗಳು ಹಾಗೂ ಜಲಚರಗಳು ನಿರಂತರವಾಗಿ ಸತ್ತು ತೇಲುತ್ತಿವೆ.

💧 ಅಂತರ್ಜಲದ ಮರಣ ಶಾಸನ:-

ಈ ಘನ ತ್ಯಾಜ್ಯವನ್ನು ಜನವಸತಿ ಇಲ್ಲದ ಖಾಲಿ ಜಾಗಗಳಲ್ಲಿ ಹೊಂಡ ತೋಡಿ ಭೂಮಿಯೊಳಗೆ ಹೂತು ಹಾಕುತ್ತಿರುವುದರಿಂದ ಕೋಟ ಪರಿಸರದ ಸುತ್ತಮುತ್ತಲಿನ ಹಳ್ಳಿಗಳ ಬಾವಿ ನೀರು ಸಂಪೂರ್ಣ ಕಲುಷಿತಗೊಂಡು, ಜಿಡ್ಡುಗಟ್ಟಿ, ತೈಲದ ಪದರ ನಿರ್ಮಾಣವಾಗಿ ದುರ್ನಾತ ಬೀರುತ್ತಿದೆ. ಸ್ಥಳೀಯ ನಿವಾಸಿಗಳು ಕುಡಿಯುವ ನೀರಿಗಾಗಿ ಜನ ಹಾಹಾಕಾರ ಪಡುವಂತಾಗಿದೆ.

⚡ ರಸ್ತೆಗಳ ಮೃತ್ಯು ಕೂಪ:-

ಭಾರಿ ವಾಹನಗಳ ಸಂಚಾರದ ಭೀಕರ ದುಷ್ಪರಿಣಾಮಗಳುಈ ಫಿಶ್ ಮಿಲ್ ಕಾರ್ಖಾನೆಗಳಿಗೆ ಕಚ್ಚಾ ವಸ್ತುಗಳನ್ನು ತರಲು ಮತ್ತು ಸಿದ್ಧಪಡಿಸಿದ ಆಹಾರವನ್ನು ಸಾಗಿಸಲು ನಿರಂತರವಾಗಿ ನೂರಾರು ಬೃಹತ್ 10 ರಿಂದ 16 ಚಕ್ರದ ಲಾರಿಗಳು ಮತ್ತು ಕಂಟೈನರ್‌ಗಳು ಸಂಚರಿಸುತ್ತಿದ್ದು, ಇಡೀ ಕೋಟದ ಚಿತ್ರಣವೇ ರಕ್ತ ಮಯವಾಗಿದೆ.

🛣️ ಸಂಪೂರ್ಣ ಧ್ವಂಸಗೊಂಡ ರಸ್ತೆಗಳು:-

ಕೋಟದ ಗ್ರಾಮೀಣ ಹಾಗೂ ಸಂಪರ್ಕ ರಸ್ತೆಗಳು ಕೇವಲ ಲಘು ವಾಹನಗಳ ಸಂಚಾರಕ್ಕೆ ಯೋಗ್ಯವಾಗಿವೆ. ಆದರೆ, ಮಿತಿಮೀರಿದ ಭಾರ ಹೊತ್ತ ಬೃಹತ್ ಲಾರಿಗಳು ನಿರಂತರ ತಿರುಗಾಡುವುದರಿಂದ ಕೋಟ್ಯಂತರ ರೂಪಾಯಿ ವೆಚ್ಚದ ಡಾಂಬರು ರಸ್ತೆಗಳು ಸಂಪೂರ್ಣವಾಗಿ ಕಿತ್ತು ಹೋಗಿ, ಬೃಹತ್ ಮೃತ್ಯು ಕೂಪಗಳಾಗಿ (ಹೊಂಡಗಳಾಗಿ) ಮಾರ್ಪಟ್ಟಿವೆ.

🩸 ರಸ್ತೆ ಯುದ್ದಕ್ಕೂ ರಕ್ತ ಪಿಪಾಸು ಲಾರಿಗಳು – ಅಪಘಾತಗಳ ಸರಣಿ:-

ಕಿರಿದಾದ ಮತ್ತು ಹೊಂಡ ಬಿದ್ದ ರಸ್ತೆಗಳಲ್ಲಿ ಈ ದೊಡ್ಡ ಗಾಡಿಗಳು ಅತಿ ವೇಗವಾಗಿ, ಬೇಜವಾಬ್ದಾರಿ ಯಿಂದ ಚಲಿಸುತ್ತವೆ. ಇದರಿಂದಾಗಿ ಶಾಲಾ ಮಕ್ಕಳು, ಪಾದ ಚಾರಿಗಳು ಮತ್ತು ದ್ವಿಚಕ್ರ ವಾಹನ ಸವಾರರು ದಿನ ನಿತ್ಯ ಲಾರಿಗಳ ಚಕ್ರದಡಿ ಸಿಲುಕಿ ಗಂಭೀರವಾಗಿ ಗಾಯ ಗೊಳ್ಳುತ್ತಿದ್ದಾರೆ ಅಥವಾ ಪ್ರಾಣ ಕಳೆದು ಕೊಳ್ಳುತ್ತಿದ್ದಾರೆ.

🤢 ರಸ್ತೆಯುದ್ದಕ್ಕೂ ಮೀನಿನ ಕೊಳೆತ ರಕ್ತದ ನೀರು:-

ಮೀನುಗಳನ್ನು ಅರೆ ಬರೆ ಮುಚ್ಚಿದ ಲಾರಿಗಳಲ್ಲಿ ಹೊತ್ತು ತರುವಾಗ, ಅವುಗಳಿಂದ ಕೊಳೆತ, ಉಪ್ಪು ಮಿಶ್ರಿತ ರಕ್ತದ ನೀರು ರಸ್ತೆ ಯುದ್ದಕ್ಕೂ ಸೋರುತ್ತಾ ಹೋಗುತ್ತದೆ. ಇದರಿಂದ ಇಡೀ ರಸ್ತೆ ತಿರುಗಾಡಲು ಅಸಾಧ್ಯವಾಗುವಷ್ಟು ದುರ್ನಾತ ಬೀರುವುದಲ್ಲದೆ, ದ್ವಿಚಕ್ರ ವಾಹನಗಳು ಈ ಜಿಡ್ಡಿನ ನೀರಿಗೆ ಜಾರಿ ಬಿದ್ದು ಭೀಕರ ಅಪಘಾತಗಳು ಸಂಭವಿಸುತ್ತಿವೆ!

🚨 ತಕ್ಷಣದ ಎಚ್ಚರಿಕೆ ಮತ್ತು ಸಾರ್ವಜನಿಕರ ರಣ ಕಹಳೆ..!

“ನಮಗೆ ಹಣದ ಆರ್ಥಿಕ ಪ್ರಗತಿಗಿಂತ ನಮ್ಮ ಮಕ್ಕಳ ಜೀವ ಮತ್ತು ನಮ್ಮ ಆರೋಗ್ಯ ಮುಖ್ಯ. ಬ್ರಹ್ಮಾವರ ತಾಲ್ಲೂಕು ಆಡಳಿತ, ಉಡುಪಿ ಜಿಲ್ಲಾಧಿಕಾರಿಗಳು ಮತ್ತು ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ತಕ್ಷಣವೇ ಎಚ್ಚೆತ್ತುಕೊಂಡು, ಕೋಟ ಪರಿಸರದ ಈ ಕಾನೂನು ಬಾಹಿರ ಫಿಶ್ ಮಿಲ್ ಘಟಕಗಳ ಲೈಸೆನ್ಸ್ ರದ್ದು ಪಡಿಸಿ, ತಕ್ಷಣವೇ ಬೀಗ ಜಡಿಯ ಬೇಕು. ಇಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ಇಡೀ ಉಡುಪಿ ಜಿಲ್ಲೆಯಾದ್ಯಂತ ರಸ್ತೆ ತಡೆದು ಉಗ್ರ ಜನಾಂದೋಲನ ಹೂಡಲಾಗುವುದು!”

– ಕೋಟ ಪರಿಸರ ಜನಜಾಗೃತಿ ಹಿತರಕ್ಷಣಾ ಸಮಿತಿ.

💥 ಜಿಲ್ಲಾಡಳಿತವೇ ಎಚ್ಚರ..!

ಜನರ ತಾಳ್ಮೆ ಮೀರಿದೆ. ಬ್ರಹ್ಮಾವರ ತಾಲ್ಲೂಕಿನ ಕರಾವಳಿಯ ಈ ಮಾರಕ ಫಿಶ್ ಮಿಲ್ ಕಂಟಕಕ್ಕೆ ಮುಕ್ತಿ ಸಿಗುವುದೇ? ಇಲ್ಲವೇ ಜನರ ಮಾರಣಹೋಮ ಮುಂದುವರೆಯುವುದೇ? ಇಡೀ ಜಿಲ್ಲೆಯೇ ಈಗ ಸರ್ಕಾರದ ಕ್ರಮಕ್ಕಾಗಿ ಕಾಯುತ್ತಿದೆ..!

– ವರದಿ:ಆರತಿ.ಗಿಳಿಯಾರು.ಉಡುಪಿ