ಬೀದಿ ನಾಯಿಗಳ ದಾಳಿಗೆ, 20 ಕುರಿ ಸಾವು 4 ಕುರಿಗಳಿಗೆ ಗಾಯ.

ಸಿದ್ದಾಪುರ ವಡ್ಡರಹಟ್ಟಿ ಮೇ.24

ಕೂಡ್ಲಿಗಿ ತಾಲೂಕಿನ ಕಾನಾ ಹೊಸಹಳ್ಳಿ ಹೋಬಳಿ ಗ್ರಾಮಾಂತರ ಪ್ರದೇಶದ ನಾಯಿಗಳ ದಾಳಿಗೆ 20 ಕ್ಕೂ ಹೆಚ್ಚು ಕುರಿಗಳು ಬಲಿಯಾಗಿರುವ ಘಟನೆ ತಾಲೂಕಿನ ಗುಂಡುಮುಣುಗು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸಿದ್ದಾಪುರ ವಡ್ಡರಹಟ್ಟಿ ಕ್ರಾಸ್ ಬಳಿ‌ ನಡೆದಿದೆ. ಸಿದ್ದಾಪುರ ವಡ್ಡರ ಹಟ್ಟಿ ಗ್ರಾಮದ ರೈತರಾದ ಮಾಂತೇಶ್ ತಂದೆ ಹನುಮಂತಪ್ಪ ಎಂಬುವರಿಗೆ ಸೇರಿದ ಕುರಿಗಳು ಇದಾಗಿದೆ. ಗ್ರಾಮದ ಹೊರವಲಯದಲ್ಲಿ ಇರುವ ಕುರಿ ಹಟ್ಟಿಯಲ್ಲಿ ದಿನ ನಿತ್ಯ ಮೇಸಿಕೊಂಡು ಸಂಜೆ ಸಮಯದಲ್ಲಿ ಕುರಿ ಹಟ್ಟಿಯ ಒಳಗಡೆ ಕೂಡಿ ಮನೆಗೆ ಹೋಗಿ ಊಟ ಮಾಡಿ ಬರುವಷ್ಟರಲ್ಲಿ ನಾಯಿಗಳ ಹಿಂಡು ಏಕಾಏಕಿ ದಾಳಿ ನಡೆಸಿ 20 ಕುರಿಗಳನ್ನು ಕೊಂದು ಹಾಕಿದೆ. ಉಳಿದ 4 ಕುರಿಗಳಿಗೂ ಕೂಡ ತೀವ್ರತರವಾದ ಗಾಯಗಳಾಗಿದೆ. ಮಾಲೀಕರು ಕಡು ಬಡವರಾಗಿದ್ದು, ಘಟನೆಯಿಂದ ಲಕ್ಷಾಂತರ ರೂ ನಷ್ಟ ಉಂಟಾಗಿದೆ. 20 ಕುರಿಗಳು ಸಾವನ್ನಪ್ಪಿದ್ದು, ಉಳಿದ 4 ಕುರಿಗಳಿಗೆ ಪಶು ವೈದ್ಯರ ಮೂಲಕ ಚಿಕಿತ್ಸೆ ಕೊಡಿಸಲಾಗಿದೆ. ಕುರಿಹಟ್ಟಿಯಲ್ಲಿ ನಡೆದ ಕುರಿಗಳ ಸಾವಿಗೆ ಕಾಡು ಪ್ರಾಣಿಗಳು ದಾಳಿ ಮಾಡಿಲ್ಲ, ಬೀದಿ ನಾಯಿಗಳು ದಾಳಿ ಮಾಡಿದ್ದಾವೆ ಎಂದು ಪಶುವೈದ್ಯಾಧಿಕಾರಿ ಡಾ. ಸುನೀಲ ತಿಳಿಸಿದ್ದಾರೆ.ಸೂಕ್ತ ಪರಿಹಾರಕ್ಕೆ ‌ಒತ್ತಾಯ ಸುಮಾರು 20 ಕ್ಕೂ ಹೆಚ್ಚು ಕುರಿಗಳನ್ನು ನಾಯಿಗಳ ಹಿಂಡು ದಾಳಿ ನಡೆಸಿ ಕೊಂದು ಹಾಕಿರುವ ಪರಿಣಾಮ ಮಾಲೀಕರಿಗೆ ಲಕ್ಷಾಂತರ ರೂ. ನಷ್ಟ ಉಂಟಾಗಿದೆ. ಈ ಹಿನ್ನೆಲೆ ಸೂಕ್ತ ಪರಿಹಾರ ನೀಡುವಂತೆ ಮಾಲೀಕರು ಒತ್ತಾಯಿಸಿದ್ದಾರೆ‌.

ಹೋಬಳಿ ವರದಿಗಾರರು ಹಾಗೂ ಎಸ್.ಕೆ ನ್ಯೂಸ್ ಕನ್ನಡ ಚಾನಲ್:ಕೆ.ಎಸ್.ವೀರೇಶ್. ಕಾನಾ ಹೊಸಹಳ್ಳಿ.