🚨 STATE BIG BREAKING 🚨 💥ಉಡುಪಿ ಜಿ.ಪಂ. ಕೆಡಿಪಿ ಮಹಾ ಸಭೆಯಲ್ಲಿ ಜನ ಪ್ರತಿನಿಧಿಗಳ ಆಕ್ರೋಶದ ಜ್ವಾಲಾಮುಖಿ – ಇಲಾಖೆ ಇಲಾಖೆಗಳಲ್ಲೂ ಅಧಿಕಾರಿಗಳಿಗೆ ಸಿಕ್ಕಿಸಿ ಹಾಕಿದ ಶಾಸಕರು!💥

ಉಡುಪಿ ಮೇ.17

ಜಿಲ್ಲೆಯ ಗ್ರಾಮೀಣ ಮೂಲಸೌಕರ್ಯ, ಕಂದಾಯ, ಆರೋಗ್ಯ, ಮೀನುಗಾರಿಕೆ, ಕೃಷಿ ಹಾಗೂ ಶಿಕ್ಷಣ ಇಲಾಖೆಗಳ ವ್ಯಾಪಕ ಬೇಜವಾಬ್ದಾರಿತನ, ಸರ್ಕಾರದ ಕಟ್ಟುನಿಟ್ಟಿನ ಸುತ್ತೋಲೆಗಳ ಉಲ್ಲಂಘನೆ ಮತ್ತು ಸಾರ್ವಜನಿಕ ಫೈಲ್‌ಗಳ ವಿಲೇವಾರಿಯಲ್ಲಿ ಆಗುತ್ತಿರುವ ಅಕ್ಷಮ್ಯ ವಿಳಂಬ ಧೋರಣೆಯನ್ನು ಖಂಡಿಸಿ ಉಡುಪಿ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ನಿನ್ನೆ ನಡೆದ ಪ್ರಗತಿ ಪರಿಶೀಲನಾ (KDP) ಮಹಾ ಸಭೆಯು ಇಡೀ ರಾಜ್ಯದ ಗಮನ ಸೆಳೆದಿದೆ.

ಸಭೆಯ ಅಧ್ಯಕ್ಷತೆ ವಹಿಸಿದ್ದ ಜಿಲ್ಲಾ ಉಸ್ತುವಾರಿ ಸಚಿವರು ಹಾಗೂ ಜಿಲ್ಲೆಯ ಎಲ್ಲಾ ಶಾಸಕರು ಒಗ್ಗಟ್ಟಾಗಿ ಅಧಿಕಾರಿಗಳ ನಿಷ್ಕ್ರಿಯತೆಯ ವಿರುದ್ಧ ಕೆಂಡಾ ಮಂಡಲರಾಗಿದ್ದರಿಂದ ಸಭೆಯು ತೀವ್ರ ಹೈಡ್ರಾಮಾ ಮತ್ತು ರಣ ರೋಚಕ ವಾಗ್ದಾದಕ್ಕೆ ಸಾಕ್ಷಿಯಾಯಿತು. ಮುಂಗಾರು ಮಳೆ ತಲೆಬಾಗಿಲಲ್ಲಿ ಇರುವಾಗಲೂ ಜಿಲ್ಲೆಯಾದ್ಯಂತ ಪ್ರಮುಖ ಇಲಾಖೆಗಳು ನಿದ್ದೆಗೆ ಜಾರಿದಂತೆ ವರ್ತಿಸುತ್ತಿರುವುದಕ್ಕೆ ಸಾರ್ವಜನಿಕರ ಪರವಾಗಿ ಜನಪ್ರತಿನಿಧಿಗಳು ಇಲಾಖಾವಾರು ಹಿಗ್ಗಾ ಮುಗ್ಗಾ ತರಾಟೆಗೆ ತೆಗೆದು ಕೊಂಡ ಬಗ್ಗೆ ಸಂಪೂರ್ಣ ವರದಿ ಇಲ್ಲಿದೆ.

🚧 ಮುಂಚೂಣಿಯಲ್ಲಿ ಕೆ.ಆರ್.ಐ.ಡಿ.ಎಲ್. (KRIDL) ಬಾಕಿ ಕಾಮಗಾರಿಗಳ ತನಿಖೆಗೆ ಆದೇಶ..!

ಸಭೆಯ ಆರಂಭದಲ್ಲೇ ಜಿಲ್ಲೆಯ ಗ್ರಾಮೀಣ ಭಾಗದ ಕೋಟ್ಯಂತರ ರೂಪಾಯಿ ವೆಚ್ಚದ ಮೂಲ ಸೌಕರ್ಯ ಯೋಜನೆಗಳ ಹಳ್ಳ ಹಿಡಿದ ಸ್ಥಿತಿಯ ಬಗ್ಗೆ ತೀವ್ರ ಆಕ್ರೋಶ ವ್ಯಕ್ತವಾಯಿತು. ಯುದ್ಧೋಪಾದಿ ಗಡುವು:-ಮುಂಗಾರು ಮಳೆ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಇದ್ದರೂ ಜಿಲ್ಲೆಯಾದ್ಯಂತ ಅರ್ಧಕ್ಕೆ ನಿಂತಿರುವ ರಸ್ತೆ, ಸೇತುವೆ, ಚರಂಡಿ ಹಾಗೂ ಜಲಜೀವನ್ ಮಿಷನ್ ಅಡಿಯ ಪೈಪ್‌ಲೈನ್ ಕಾಮಗಾರಿಗಳನ್ನು ತಕ್ಷಣವೇ ಸುಸ್ಥಿತಿಗೆ ತರಲು ಕೆ.ಆರ್.ಐ.ಡಿ.ಎಲ್. ಅಧಿಕಾರಿಗಳಿಗೆ ಕಟ್ಟು ನಿಟ್ಟಿನ ಅಂತಿಮ ಗಡುವು ವಿಧಿಸಲಾಯಿತು.

ಕಳಪೆ ಕೆಲಸಕ್ಕೆ ಜೈಲು ಫಿಕ್ಸ್ ಎಚ್ಚರಿಕೆ:-

“ಸರ್ಕಾರದ ಸಾರ್ವಜನಿಕ ಧನ ಸಹಾಯವನ್ನು ದುರುಪಯೋಗ ಪಡಿಸಿ ಕೊಂಡು ಕಳಪೆ ಕಾಮಗಾರಿ ನಡೆಸಿದರೆ ಬಿಲ್ ತಡೆ ಹಿಡಿಯುವುದು ಮಾತ್ರವಲ್ಲ, ಗುತ್ತಿಗೆದಾರರನ್ನು ಕಪ್ಪು ಪಟ್ಟಿಗೆ (Blacklist) ಸೇರಿಸಿ ಸಂಬಂಧಪಟ್ಟ ಅಧಿಕಾರಿಗಳ ಮೇಲೆ ಕ್ರಿಮಿನಲ್ ಮೊಕದ್ದಮೆ ಹೂಡಲಾಗುವುದು” ಎಂದು ಸಭೆಯಲ್ಲಿ ಕಠಿಣ ಸಂದೇಶ ರವಾನಿಸಲಾಯಿತು.

📜 ಸರ್ಕಾರದ ಸುತ್ತೋಲೆ ಉಲ್ಲಂಘನೆ:-

ಅಪರ ಜಿಲ್ಲಾಧಿಕಾರಿ (ADC) ಯನ್ನು ತರಾಟೆಗೆ ತೆಗೆದು ಕೊಂಡ ಸಭೆ! ಸಭೆಯಲ್ಲಿ ಅತ್ಯಂತ ಗಂಭೀರವಾಗಿ ಚರ್ಚೆಗೆ ಬಂದ ವಿಷಯವೆಂದರೆ ಸರ್ಕಾರದ ಅಧಿಕೃತ ಸುತ್ತೋಲೆಗಳನ್ನು ಜಿಲ್ಲಾ ಮಟ್ಟದ ಉನ್ನತ ಅಧಿಕಾರಿಗಳೇ ಗಾಳಿಗೆ ತೂರುತ್ತಿರುವುದು.

ಅಪರ ಜಿಲ್ಲಾಧಿಕಾರಿ (ADC) ಗೆ ಕ್ಲಾಸ್:-

ಸರ್ಕಾರದ ನಿಯಮಗಳು ಹಾಗೂ ಸುತ್ತೋಲೆಗಳ ಪ್ರಕಾರ ಸಾರ್ವಜನಿಕ ಕೆಲಸಗಳು ಮತ್ತು ಕಂದಾಯ ಇಲಾಖೆಯ ಪ್ರಮುಖ ಪ್ರಕ್ರಿಯೆಗಳು ನಡೆಯ ಬೇಕಾಗಿದ್ದರೂ, ಉಡುಪಿ ಜಿಲ್ಲೆಯಲ್ಲಿ ಪ್ರಭಾವಿಗಳಿಗೆ ಒಂದು ನ್ಯಾಯ, ಸಾಮಾನ್ಯ ಜನರಿಗೆ ಒಂದು ನ್ಯಾಯ ಎಂಬಂತೆ ವರ್ತಿಸುತ್ತಿರುವ ಕಂದಾಯ ಇಲಾಖೆಯ ಧೋರಣೆಯ ವಿರುದ್ಧ ಶಾಸಕರು ಕೆಂಡಾ ಮಂಡಲರಾದರು. “ಅಪರ ಜಿಲ್ಲಾಧಿಕಾರಿಗಳ (ADC)” ನಡೆಗೆ ಸಭೆಯಲ್ಲಿ ತೀವ್ರ ಅಸಮಾಧಾನ ವ್ಯಕ್ತವಾಯಿತು.

ಸುತ್ತೋಲೆ ಉಲ್ಲಂಘಿಸಿದರೆ ಶಿಸ್ತು ಕ್ರಮ:-

“ಸರ್ಕಾರದ ಸುತ್ತೋಲೆಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು. ನಿಯಮಗಳನ್ನು ಮೀರಿ ಸಾರ್ವಜನಿಕರನ್ನು ಸತಾಯಿಸಿದರೆ ಅಥವಾ ಫೈಲ್‌ಗಳನ್ನು ವಿಳಂಬ ಮಾಡಿದರೆ ಯಾವುದೇ ಮುಲಾಜಿಲ್ಲದೆ ಕಠಿಣ ಶಿಸ್ತು ಕ್ರಮಕ್ಕೆ ಶಿಫಾರಸು ಮಾಡಲಾಗುವುದು” ಎಂದು ಉಸ್ತುವಾರಿ ಸಚಿವರು ಅಪರ ಜಿಲ್ಲಾಧಿಕಾರಿಗಳಿಗೆ ಎಚ್ಚರಿಕೆ ನೀಡಿದರು.

🔥ಹೆಬ್ರಿ ತಹಶೀಲ್ದಾರ್‌ಗೆ ಶಾಸಕ ಸುನಿಲ್ ಕುಮಾರ್ ತೀವ್ರ ತರಾಟೆ..!

ಸಭೆಯಲ್ಲಿ ಹೆಬ್ರಿ ತಾಲೂಕಿನ ಕಂದಾಯ ಇಲಾಖೆಯ ವಿಳಂಬ ನೀತಿಯನ್ನು ಪ್ರಸ್ತಾಪಿಸಿದ ಕಾರ್ಕಳ-ಹೆಬ್ರಿ ಕ್ಷೇತ್ರದ ಶಾಸಕ ವಿ. ಸುನಿಲ್ ಕುಮಾರ್ ಅವರು ಅಧಿಕಾರಿಗಳ ವಿರುದ್ಧ ಕೆಂಡಾ ಮಂಡಲರಾದರು.

ಬಡವರನ್ನು ಅಲೆದಾಡಿಸ ಬೇಡಿ:-

ಹೆಬ್ರಿ ತಾಲೂಕಿನಲ್ಲಿ ಸಾರ್ವಜನಿಕರ ಪ್ರಮುಖ ಫೈಲ್‌ಗಳು ತಿಂಗಳುಗಟ್ಟಲೆ ಯಿಂದ ಧೂಳು ತಿನ್ನುತ್ತಿರುವುದನ್ನು ಮತ್ತು ಕಚೇರಿಗೆ ಬರುವ ಬಡ ಜನರನ್ನು ಕಣ್ಣೀರು ಹಾಕಿಸುತ್ತಿರುವುದನ್ನು ಶಾಸಕರು ತೀವ್ರವಾಗಿ ಖಂಡಿಸಿದರು.

“ಬಡವರ ನೋವು ನಿಮಗೆ ಅರ್ಥವಾಗುವುದಿಲ್ಲವೇ?”:-

ಸಭೆಯಲ್ಲೇ “ಹೆಬ್ರಿ ತಹಶೀಲ್ದಾರ್” ಅವರನ್ನು ನೇರವಾಗಿ ತರಾಟೆಗೆ ತೆಗೆದು ಕೊಂಡ ಶಾಸಕರು, “ಸಾರ್ವಜನಿಕರ ಕೆಲಸಗಳನ್ನು ಮಾಡಲು ನಿಮಗೇನು ತೊಂದರೆ? ಕಚೇರಿಗೆ ಬರುವ ಸಾಮಾನ್ಯ ಜನರನ್ನು ಸುಮ್ಮನೆ ಅಲೆದಾಡಿಸ ಬೇಡಿ. ತಕ್ಷಣವೇ ನಿಮ್ಮ ಆಡಳಿತ ವ್ಯವಸ್ಥೆಯನ್ನು ಸುಧಾರಿಸಿ ಕೊಳ್ಳಿ, ಇಲ್ಲದಿದ್ದರೆ ಉನ್ನತ ಮಟ್ಟದ ಶಿಸ್ತು ಕ್ರಮ ಎದುರಿಸ ಬೇಕಾಗುತ್ತದೆ,” ಎಂದು ಸಭೆಯಲ್ಲೇ ಆಡಳಿತ ಯಂತ್ರಕ್ಕೆ ದಬಾಯಿಸಿದರು.

🏥 ಜಿಲ್ಲಾ ಆರೋಗ್ಯ ಇಲಾಖೆ ಹಾಗೂ 108 ಆಂಬುಲೆನ್ಸ್ ವೈಫಲ್ಯ:-

ಡಿಎಚ್‌ಓ ತರಾಟೆಗೆ ತೆಗೆದುಕೊಂಡ ಗುರುರಾಜ್ ಗಂಟಿಹೊಳೆ! ಜಿಲ್ಲೆಯ ಆರೋಗ್ಯ ಇಲಾಖೆಯ ಸರಣಿ ಲೋಪ ದೋಷಗಳು ಮತ್ತು ತುರ್ತು ಚಿಕಿತ್ಸಾ ವ್ಯವಸ್ಥೆಯ ಸಂಪೂರ್ಣ ಕುಸಿತದ ಬಗ್ಗೆ ಬೈಂದೂರು ಶಾಸಕ ಗುರುರಾಜ್ ಗಂಟಿಹೊಳೆ ಮತ್ತು ಇತರ ಶಾಸಕರು ಅಧಿಕಾರಿಗಳನ್ನು ಧೂಳೀಪಟ ಮಾಡಿದರು.

ಡಿಎಚ್‌ಓ (DHO) ಗೆ ತೀವ್ರ ಕ್ಲಾಸ್:-

ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಯನ್ನು (DHO) ತರಾಟೆಗೆ ತೆಗೆದುಕೊಂಡ ಶಾಸಕ ಗುರುರಾಜ್ ಗಂಟಿಹೊಳೆ ಅವರು, ಗ್ರಾಮೀಣ ಭಾಗದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ವೈದ್ಯರು ಹಾಗೂ ಅಗತ್ಯ ಔಷಧಿಗಳ ಕೊರತೆ ಇರುವ ಬಗ್ಗೆ ತೀವ್ರ ತರಾಟೆಗೆ ತೆಗೆದು ಕೊಂಡರು. ಬಡ ರೋಗಿಗಳಿಗೆ ಸರಿಯಾದ ಸ್ಪಂದನೆ ಸಿಗುತ್ತಿಲ್ಲ ಏಕೆ ಎಂದು ಪ್ರಶ್ನಿಸಿದರು.

ರಾಜ್ಯ ಮಟ್ಟದ ಆಕ್ರೋಶಕ್ಕೆ ಕಾರಣವಾದ 108 ಆಂಬುಲೆನ್ಸ್ ದಗಾ:-

“ಜಿಲ್ಲೆಯಲ್ಲಿ” ‘108 ಆಂಬುಲೆನ್ಸ್’ ಸೇವೆ ಸಂಪೂರ್ಣ ಹಳ್ಳ ಹಿಡಿದಿದೆ. ಕರೆ ಮಾಡಿದರೆ ಸಮಯಕ್ಕೆ ಸರಿಯಾಗಿ ಗಾಡಿ ಬರುವುದಿಲ್ಲ, ಇರುವ ವಾಹನಗಳಲ್ಲಿ ಆಮ್ಲಜನಕ (Oxygen) ವ್ಯವಸ್ಥೆ ಇಲ್ಲ ಹಾಗೂ ತಾಂತ್ರಿಕ ದೋಷಗಳಿಂದಾಗಿ ರೋಗಿಗಳು ಹಾದಿಯಲ್ಲೇ ಪ್ರಾಣ ಬಿಡುವ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಸಭೆಯಲ್ಲಿರುವ ಎಲ್ಲಾ ಶಾಸಕರು ಹಾಗೂ ಸಚಿವರು ಏಕಕಾಲದಲ್ಲಿ ಆಕ್ರೋಶ ಹೊರ ಹಾಕಿದರು. ತಕ್ಷಣವೇ ಜಿ.ಪಂ. ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸಿ ವರದಿ ಸಲ್ಲಿಸಲು ಸೂಚಿಸಲಾಯಿತು.

🌊 ಮೀನುಗಾರಿಕಾ ಇಲಾಖೆಯ ಲೋಪ ದೋಷಗಳು ಹಾಗೂ ಕರಾವಳಿ ಯೋಜನೆಗಳ ಮಂದಗತಿ..!

ಉಡುಪಿ ಜಿಲ್ಲೆಯ ಜೀವನಾಡಿಯಾಗಿರುವ ಮೀನುಗಾರಿಕಾ ಇಲಾಖೆಯ ಪ್ರಗತಿ ಪರಿಶೀಲನೆ ವೇಳೆ ಜಿಲ್ಲೆಯ ಕರಾವಳಿ ಭಾಗದ ಶಾಸಕರು ಅಧಿಕಾರಿಗಳ ವಿರುದ್ಧ ಮುಗಿ ಬಿದ್ದರು.

ಮೀನುಗಾರರ ಸಮಸ್ಯೆಗಳಿಗೆ ನಿರ್ಲಕ್ಷ್ಯ:-

ಸಾಂಪ್ರದಾಯಿಕ ಮತ್ತು ಬೋಟ್ ಮೀನುಗಾರರಿಗೆ ಸಿಗಬೇಕಾದ ಸಬ್ಸಿಡಿ ಸೀಮೆಎಣ್ಣೆ, ಡೀಸೆಲ್ ವಿತರಣೆಯಲ್ಲಿನ ಗೊಂದಲಗಳು ಮತ್ತು ಮೀನುಗಾರಿಕಾ ಬಂದರುಗಳ ಹೂಳು ಎತ್ತುವ ಕಾಮಗಾರಿಗಳ ವಿಳಂಬದ ಬಗ್ಗೆ ಇಲಾಖೆಯ ಅಧಿಕಾರಿಗಳನ್ನು ತೀವ್ರವಾಗಿ ಪ್ರಶ್ನಿಸಲಾಯಿತು. ಮೀನುಗಾರರ ಹಿತ ರಕ್ಷಣೆಗೆ ಧಕ್ಕೆ ತಂದರೆ ಕಟ್ಟು ನಿಟ್ಟಿನ ಕ್ರಮ ಜರುಗಿಸುವುದಾಗಿ ಸಭೆಯಲ್ಲಿ ಎಚ್ಚರಿಸಲಾಯಿತು.

🌾 ಕೃಷಿ ಇಲಾಖೆಯ ನಿದ್ದೆಗೆ ಸಚಿವರ ಚಾವಟಿ ಬಿಡುಗಡೆ..!

ಮಳೆಗಾಲ ಹತ್ತಿರ ಬರುತ್ತಿದ್ದರೂ ರೈತರಿಗೆ ತಲುಪಬೇಕಾದ ಸೌಲಭ್ಯಗಳ ವಿಳಂಬದ ಬಗ್ಗೆ ಕೃಷಿ ಇಲಾಖೆಯ ನಿರ್ದೇಶಕರನ್ನು ತರಾಟೆಗೆ ತೆಗೆದು ಕೊಳ್ಳಲಾಯಿತು.

ಬೀಜ, ರಸಗೊಬ್ಬರ ಕೊರತೆ ಯಾಗದಂತೆ ಎಚ್ಚರಿಕೆ:-

ಮುಂಗಾರು ಬಿತ್ತನೆಗೆ ಸಜ್ಜಾಗುತ್ತಿರುವ ರೈತರಿಗೆ ಸಕಾಲದಲ್ಲಿ ರಸಗೊಬ್ಬರ ಮತ್ತು ಗುಣಮಟ್ಟದ ಬಿತ್ತನೆ ಬೀಜಗಳು ವಿತರಣೆ ಯಾಗಬೇಕು. ತಾಲೂಕು ಕೇಂದ್ರಗಳಲ್ಲಿ ರೈತರು ಕ್ಯೂ ನಿಂತು ಪರದಾಡುವ ಪರಿಸ್ಥಿತಿ ಬಂದರೆ ಇಲಾಖೆಯ ಅಧಿಕಾರಿಗಳನ್ನೇ ಅಮಾನತ್ ಗೊಳಿಸುವುದಾಗಿ ಉಸ್ತುವಾರಿ ಸಚಿವರು ಕಠಿಣ ಎಚ್ಚರಿಕೆ ನೀಡಿದರು. ಕೃಷಿ ಇಲಾಖೆಯ ಯೋಜನಾ ವರದಿಗಳು ಕೇವಲ ಕಾಗದದ ಮೇಲಷ್ಟೇ ಇವೆ ಎಂದು ಸಭೆಯಲ್ಲಿ ಕಿಡಿಕಾರಲಾಯಿತು.

🏫 ಶಿಕ್ಷಣ ಇಲಾಖೆಯ ಬೇಜವಾಬ್ದಾರಿತನಕ್ಕೆ ಸಾರ್ವತ್ರಿಕ ಆಕ್ರೋಶ!

ಹೊಸ ಶೈಕ್ಷಣಿಕ ವರ್ಷ ಆರಂಭದ ಹೊಸ್ತಿಲಲ್ಲಿ ಜಿಲ್ಲೆಯ ಶಾಲಾ ವ್ಯವಸ್ಥೆಯ ನಿರ್ಲಕ್ಷ್ಯದ ವಿರುದ್ಧ ಇಡೀ ಸಭೆ ಧ್ವನಿ ಎತ್ತಿತು.

ಅಪಾಯಕಾರಿ ಶಾಲಾ ಕಟ್ಟಡಗಳ ಮುಚ್ಚಳಕ್ಕೆ ಆದೇಶ:-

ಜಿಲ್ಲೆಯ ಹಳೆಯ ಹಾಗೂ ಜರ್ಜರಿತವಾಗಿರುವ ಸರ್ಕಾರಿ ಶಾಲಾ ಕೊಠಡಿಗಳು ಮತ್ತು ಅಂಗನವಾಡಿ ಕೇಂದ್ರಗಳ ದುರಸ್ತಿ ಕಾರ್ಯ ಇನ್ನೂ ಮುಗಿಯದ ಬಗ್ಗೆ ಶಿಕ್ಷಣ ಇಲಾಖೆಯ ಅಧಿಕಾರಿಗಳನ್ನು ತರಾಟೆಗೆ ತೆಗೆದು ಕೊಳ್ಳಲಾಯಿತು. ಮಕ್ಕಳ ಜೀವದ ಜೊತೆ ಆಟವಾಡಬಾರದು.

ಶಾಲಾ ಆವರಣಗಳಲ್ಲಿ ಅರ್ಧಂ ಬರ್ಧ ಕೆಲಸಗಳನ್ನು ಬಿಟ್ಟು ಸುರಕ್ಷತೆಗೆ ಧಕ್ಕೆ ತರಬಾರದು. ಮಳೆಗಾಲದಲ್ಲಿ ಯಾವುದೇ ದುರಂತ ಸಂಭವಿಸಿದರೆ ಶಿಕ್ಷಣ ಇಲಾಖೆಯ ಡಿಡಿಪಿಐ (DDPI) ಅವರನ್ನೇ ಹೊಣೆ ಮಾಡಲಾಗುವುದು ಎಂದು ಸಭೆಯ ಅಧ್ಯಕ್ಷರು ಸ್ಪಷ್ಟಪಡಿಸಿದರು.

📌 ಸಭೆಯ ಜಂಟಿ ಕಠಿಣ ತೀರ್ಮಾನಗಳು (Key Verdicts):

ಅಧಿಕಾರಿಗಳ ಸಮನ್ವಯತೆ:-

ಕಂದಾಯ, ಜಿ.ಪಂ., ಆರೋಗ್ಯ, ಮೀನುಗಾರಿಕೆ ಮತ್ತು ಕೆ.ಆರ್.ಐ.ಡಿ.ಎ.ಎಲ್ ಇಲಾಖೆಗಳು ಪರಸ್ಪರ ಸಮನ್ವಯತೆಯಿಂದ ಕೆಲಸ ಮಾಡಿ ಭೂಸ್ವಾಧೀನ ಅಥವಾ ತಾಂತ್ರಿಕ ಸಮಸ್ಯೆಗಳನ್ನು ತಕ್ಷಣ ಬಗೆಹರಿಸಿ ಕೊಳ್ಳಬೇಕು.

ವಾರದ ಗಡುವು:-

ಎಲ್ಲಾ ಬಾಕಿ ಉಳಿದಿರುವ ಸಾರ್ವಜನಿಕ ಅರ್ಜಿಗಳು ಹಾಗೂ ಅಭಿವೃದ್ಧಿ ಫೈಲ್‌ಗಳನ್ನು ಒಂದು ವಾರದೊಳಗೆ ವಿಲೇವಾರಿ ಮಾಡಿ ವರದಿ ನೀಡುವಂತೆ ಜಿಲ್ಲಾಧಿಕಾರಿಗಳಿಗೆ ಉಸ್ತುವಾರಿ ಸಚಿವರು ಕಟ್ಟು ನಿಟ್ಟಿನ ಆಜ್ಞೆ ಹೊರಡಿಸಿದ್ದಾರೆ.

✍️ ವರದಿ:ಆರತಿ.ಗಿಳಿಯಾರು,ಉಡುಪಿ ಜಿಲ್ಲೆ.